Tukuy chay rimanakuypi chayak (8) apukkuna, Biodiversidad y Recursos Naturales Minkarishka ukupimi kay kamachiymanta chusku hatun yuyaykunata arinirkakuna, kay yuyaykunataka Mamallakta Tantanakuyta pushakman chayachinka, paymi kay Código Orgánico del Ambiente kamachiymanta Taripanapak llaktayukta kayachinka.
Kay yuyaykunaka ayllullaktapak allpakuna sistema nacional de áreas protegidas paktarikushka ukupi kashkamanta; pachamama charishka pakta rikuranamanta; llakta ayllukuna pachamama yachashakata ukllanamantapash.
Arinishpa apushitaytaka Pepe Acacho, Arcadio Bustos, Pamela Falconí, Óscar Ledesma, Elizabeth Reinoso, Raúl Tobar, Marcela Aguiñaga y Carlos Viteri apukkunami chayachirka.
Kay hatun yuyaykunaka, pachamamata chaparana munaywanmi ayllu llaktakunapak kikin hayñikunamanta kimirichunmi mashkanka, paykunapak kawsayta, yuyashkata, pushaykunatapash wakllichinalla rikurikpi, paykunapak allpakunaman chayakpipash.
Kay rimanakuypika shinallatak Llaktayukta markakunapi taripana pachakuna paktanamantapash rimanakurkakuna.
Llaktayukta taripayka ayllukuna pakta chaypikana hatun yuyayta paktashpami kan, kaypika ashalla llakta ayllukunapash kimirichunmi yanapan. Kay Código del Ambiente kamachiyka comunas, comunidades, nacionalidades indígenas shinallatak afroecuatoriano y montubio llakta ayllukunapak Tantachishka Hayñitami paktachichin.
RSA/pv
