Kay kullka puncha, 09h30 sayllata, Mamallakta Tantanakuypi Corte Constitucional kimsa mushuk kishpiychikkuna, kipaman kay Código de Economía Social de los Conocimientos, Creatividad e Innovación rimarishpa katinka, kay llankayman mama Gabriela Rivadeneira Mamallakta Tantanakuyta pushak kayarka.
Chaypak, 355 yupay tantari ukupi, Mamallakta Tantanakuypak Hatun Tantaripi Pamela Martínez Loayza, Roxana Silva Chicaiza, Francisco Butiñá Martínez kishpiychikkuna llankaypi tiyarinka, paykunaka María del Carmen Maldonado, Antonio Gagliardo, Marcelo Jaramillo kishpiychikkunapak rantimi tiyarinka.
Shinami, Corte Constitucional kishpiychik kallari mushukyachun, Chanik Minkashkapak llankaykuna tukurin, kimsa watata paktachishpa mushukyarichun nishpa uchilla kamachikkuna rimashkata pakchishpami Mamallakta Tantanakuypak ukupi kishpiychikkunata llankachun tiyachinka.
Kay Código Ingenios kamachiy
Shinallatak, 10h00 sayllapi, 353 yupay tantarimi katinka, chaypimi Código de Economía Social de los Conocimientos, Creatividad e Innovación kamachiyta atinakushpa katinka. Kay rimanakuypimi kamachiy killkakkuna paykunapak yuyayta churanka.
Kay yachay hawa, Yachay Tantarita Kipapushak, Ximena Ponce kamachiy killkak, kayka mushuksami yachaytami rikuchin nirka, Propiedad Intelectual kamachiypak rantimi tityarin nirka.
Warmi kamachiy killkak, kay mushuk kamachiyka: kikin hatun yachayta charikta, yachayta wiñachikkunata, katukkunata, mawkayachikkunata, yachaywan mishakkuna, llaktayukkuna paktapakta llankana, yachanata rikuchik kan, shinami yachayakunapi sumak llakta ushaywan yanaparishpa hapinka. Shinallatak Mamakamachiypi rimashka yanapaykunata chaskinka.
Kay kamachiywan riksikkiputa arishka, chayka kapukyachinatami rikuchin, chaytaka kapukyachik wasikunami rikun, mushukta wiñachiktapash rikuchin, mintalaywanmi kimirin, nirka. Kay kamachiyka riksikkipu llikatami ukllan, istallaktakunawan kimirikta, ñunakchik yachaykunata rikun. Ñukanchikpak hatun yachanawasikunaka sapan watapi ishkay riksikkiputa riksishka, puchukkunaka, 90% patsakrita hapishka, shinami ista llankakwasikunata yanapashka.
Warmi kamachiy killkak, kay Kamachiyka yachay yuyaykunata paktapakta kachun riksinka. Kikin yachay, wiñachishka yachay, mushuk yachay riksishka kanka, tukuy llikakuna kamashka kanka: mirachikunata, kapukyachikunata, katuykunata rikunka, nirka.
PV/jc-kichwa
