Kamachiy killkak Juan Carlos Cassinelli, Mamakamachiy mushukyari pushak, kay llankayta minkashkakunata 15:00, kunan, 16 puncha, sasi killa kallari tantariman kayarka, kay tantaripimi Mamakamachiy mushuyari kallarishkamanta runakuna, tantarikuna, kamachikkuna, llaktakuna yuyayta churashka allichishpa killkanka.
Llankana katikillapika ima llankaykunata minkashkakuna rurashkatami rikuchin, kay llankaykunaka Mamakamachiyta shukniki atinakushka kipa llankashkatami rikuchin; Mamakamachiy mushukyari kallarimanta mushuk yuyaykunata churashkatami rikunka.
Mamallakta Tantanakuypi llankak minkashka hatun Tukuy Mamallaktapi rimanakuywan kallarirka, kay 2015 wata chawpi manta ashtawan llaktakunapi 16 nikimanta rimanakuywan kallarirka, tawka runakunapak, tantarikunapak rimaykunata uyashpa llankarka, shinami 100% patsakri llankayta paktachirka.
Shinami tawka runakuna, llaktayukkuna mañashkata paktachirkakuna, kaytaka llaktakunamanta chayak runakunwan tantarikunata rurashpami llankarkanchik. Wakin tantarikunataka minkashka ukupi, shuktak rimanakuytaka hatun ukupi pusharirka.
Kallari runakunapak, llaktakunapak tantarika Montecristi llaktapimi karka, chay Mamakamachiyta killkak Hatun Tantanakuy llankarka, chaypimi kunan 13 puncha, Sasi killakama Mamakamachiyta mushuyachik llankarka, shinallatak Ecuador runakuna Alemania, Francia llaktakunapi kawsakmanpash riksichirka.
Mamakamachiyta mushukyachikta Pushak, 29 puncha, Sasi killa, ishkayniki atinakuypak ña kamu killkashka kanka nirka, shina ña mama Gabriela Rivadeneira, kapak killa, 3 puncha kipamanpash, Mamallakta Tantanakuy hatun Rimanakuypi rimanachun rikuchinka.
JLVN/jc-kichwa
