Mamallakta Tantanakuyta pushak, Gabriela Rivadeneira, llaktapak tawka kapchikkunapak rimayta chaskirka, paykunawan imashina Medalla al Mérito Cultural, Cultura y el Código del Conocimiento (Código Ingenios) hatun kamari kanata rikurka.
Mamallakta Tantanakuyta pushak paypak llankana ukuman kapchikkuna chayashkamanta yupaycharka, paykunapak yuyaykunata, rimashkakunata tawka kamachiykunapi killkanata nirka.
Kay tantaripi, achka kapchikkuna Mamallakta kullkiwan yanapachun rimarka, achka rikuchina kuskakunata wiñachichun; chaykuna willana hillaykuna, takikkunapak hayñita, kapchi llankaykunata riksichun mañarkakuna
Kay kapchikkuna Medalla al Mérito Cultural panka wiñarichun mañarka, kay pankata Mamallakta Tantanakuyman chayachinka, kapchita, kawsayta riksinka. Chaypak rikuykunata chayachinkapa yuyarirkakuna, kaytami ñawpakpi hatun kamarita chayachinka.
Kapchikkuna Mamallakta Tantanakuyta yanapankapa arinirkakuna, chayta pakatchinkapa kapak killa 9 punchata tantarinkapa yuyarirkakuna, Mamallakta Tantanakuyta pushak, Cultura kamachiyta, Código del Conocimiento minkashkakuna paykuna mañashkata chaskinka.
Chay tantaripi kapachikkuna, kay 18, 19 punchakuna, sasi killapi, José Mejía Lequerica ukupi, Diálogo Cultural llankay pusharinka, chaypi kapchikkunapak tawkasami mutsuykunata riksinka.
Chay tantaripi Pablo Morales KJWA (música andina) tanarimanta; Patricio Morales (representante de Gestión Cultural) tantarimanta; Hernán Illescas y Rodrigo Viera (artes plásticas) tantarimanta; Juana Guarderas, Adulcir Saad (teatro y actuación) tantarimanta; Carlos Naranjo (producción de cine) tantarimanta; Xavier Oquendo y María Eugenia Paz y Miño (literatura) tantarimanta; Juan Terneus (Hot Choclo Blues Band) tantarimanta; Luis Beltrán (SARYME) tantarimanta, David Checa (Sayce) tantarimanta, Washington Flores (música) tantarimanta shamunka.
JS/jc-kichwa
