Manarak kamachiyta arinishpa, kay Biodiversidad y Recursos Naturales pushak, Carlos Viteri Gualinga, yallik hunkapi, antisuyupak 4 markakunaman riksichinkapa chayarka.
Mamallaktapak kamachiy killkak, imashina kay llankay paktakushkata willarka, shinallatak tukuy runakuna tantari paykunapak shutita killkachichun kayarka, paykunallatak killkachina patakupi tiyarichun mañarka. Kay Consejo Nacional Electoral (CNE) kamaywasipak ukupi killkarichun sasi killapak, awakimanta, inti punchapash llankan, shinami 30 punchakama paskashka kan.
Pay Carlos Viteri Gualinga hatun pushakkunantin, tantarimanta kachashkakunantin kimirinkapa pachata chawcharka, shinami «Nape Andwa, Sapara Nase, Shiwiar Nashe, Nae Achuar, Pueblo Sarayacu» runa tantarikunantin rimanakuyta charirka. Kay kuskapi, Pushak kamachiy killkak.
Kamachiy killkak Contigo de Ley willaypi karka, chaypimi manarak kamachiyta tapuy may mutsurik kakta rikuchirka, tukuysami tantarikuna tapuypi kachun, tantarikuna rikuyta churachun, runakuna pachamamawan paktapakta kawsayta charinata ushankapa nirka, kay willayka Archidona kitipi, Napo markapi pusharirka.
Paypak ñanka Tena, Puerto Francisco de Orellana, Lago Agrio llaktakunaman chayarka, chay llaktakunapipash imashinami Archidona llaktapi rimashka shinallatakmi willarka, shinami tukurinkakamami shinallatak katinka.
JC-kichwa
