Wacha, 28 puncha, sasi killa, kay Soberanía y Relaciones Internacionales minkashka Loja kitiman rirka, chaypi Movilidad Humana kamachiyta riksichirka. Chaypimi kay llankayta minkashka achka mushuk yuyaykunata chaskirka, churashka yuyaykunawan kay kamachiyta kallari atinakuypak allichishpa killkanka.
Kamachiy killkak Dora Aguirre, Miryam González kay Frontera Sur del Grupo Parlamentario por los Derechos de las Personas en Movilidad Humana minkashkaman yaykurishkakuna, purik llaktayukkunaman imashina kay kamachiy kakta riksichirkakuna, paykunaka Loja, Zamora Chinchipe llaktakunamanta kan, kamachiy paktashka, imashina killkashka kakta, imapi yanapakta riksichirka.
Kamachiy killkakkunaman kay kamachiy purik runakuna paykunapak hayñita pushanata, ima llankaykuna ruranata nikik kakta rikuchirka, shinallatak imashina llaktata sakishpa rik, shuktak llaktamanta shamuk, llaktaman tikramuk, pakakukushka, llaktata mana charik, llaktapi minkarishka, shuwashka, waktashka, llakirishka purik, purikuk runakunata yanapan.
Kikinllaktak karupi kamachikkuna (GAD) kay llakikunata rikunata charin, paykuna ama llakikunawan katishun shuk ñanta mashkanata charin.
Kay rimanakuykunata charishka, riksichishka kipa, chaypi kak runakuna tawka tapuykunata rurarka, paykunapak yuyakunata churarka. Shinami, wakin amsalla yuyaykunata achikyachirka.
Kay Dora Aguirre, Miryiam González kamachiy killkakkuna, ayllullaktakuna rimashkata uyanamanta kutintak arinirkakuna, kay kamachiy atinakuyman yaykuchun hapishka yuyaykuna allichishpa willayta killkanka, kay watami kallari atinakuyman yaykurinka.
Kay Defensoría del Pueblo, Ministerio de Relaciones Exteriores y Movilidad Humana kamachikkuna, paykunantin markakunapi llaktayukkunwan llankashpa shamushkamanta, imashina llankanata rikurkakuna, kamachikkuna llankayñanta rurashkata katishpa, tikramushka runakunata yanapana nirka.
JC-josé Caiza
