Kay Soberanía y Relaciones Internacionales pushak, Fernando Bustamante, mama María Soledad Vela, mama Verónica Rodríguez kamachiy killkakkunantin, Guayas markaman rinka, Movilidad Humana Htun kamachiyta riksichinka.
Chay tantarika Guayaquil kitipi, Mamallakta tantanakuypak wasipimi pusharinka, wacha, 5 puncha, kapak killa, 08:00 sayllamanta, 13:00 sayllakama rimanakuyta charinka. Tukuykunatami kayashka kan. Purik tantarita, uchilla tantarikuna, mushuk kamachiyta riksinata munak llaktayukkuna chayankakuna.
Kay tantarikunawan runakuna paykunapak yuyayta churachun, kipaman chay mushuk yuyaykunata hapishpa kamachiypi yaykuchinatami mashkanchik, kay yanapayka shukniki rimanakuypakmi alli kanka, shinami María Soledad Vela rimarka.
Kay mushuk kamachiyka, mushuk llankaykunatami rikuchin, mushuk kamachiypika runakuna purinamanta, runakaunata pushayta, tukuy allpapachata purik llaktayuk hawa, runakuna kishpiyrishka purina, purik runakunapak hayñikunata rikuchun ñawita paskan.
Mamakamachiywan, wiñaykawsaypi kunanmi purik runakunapak hayñikunata riksin, purik kashkata mana supaychanchu, mayhan runapash purik kashkamanta kamachiy sakishka mana kachun kaman, shina riksinaka suyupi shuk unanchami shayarin.
Kay mushuk kamachiyka hayñikunata pushachun mushuk nikikunata wiñachin, purik runakuna paykunapak hayñita pushanata, ima llankaykuna ruranata nikik kakta rikuchirka, shinallatak imashina llaktata sakishpa rik, shuktak llaktamanta shamuk, llaktaman tikramuk, pakakukushka, llaktata mana charik, llaktapi minkarishka, shuwashka, waktashka, llakirishka purik, purikuk runakunata yanapan.
Kay kamachy ukupimi, Mamakamachiy, ista kamachiykuna riksishka purik runakunapak hayñikunata, mañashkakunata nikinka, purik runakunaman Ecuador llaktapi killkashka hayñikuna tukuy runakunapak kachun, imashina shuktak llaktana yaykurina, shuktak Mamallaktaman rina uchilla kamachiyta nikinka.
Shinallatak, istallaktamanta Ecuador llaktapi ashalla pachapak, uni pachata kawsanata nikinkuna, shinallatak Ecuador llaktapi kawsak runa kashkata riksin; kanchamanta tikramunatapash nikinmi; kayman chayamushka runakunata yanapanatapash riksinmi. Tukuyllapak kamaywasikuna purik runakunata allita rikuna, yanapana kanka.
JLVN/pv/jc-kichwa
