Kamachiy killkak Mónica Alemán, 35 watata charik warmi Nelson Serrano wañushkapak ranti llankanka Nelson Serrano kapak killa, 29 punchami wañurka, kay mushuk kamachiy killkak Comisión de Soberanía Alimentaria tantaripi karka, payka manarak Tierras Rurales y Territorios Ancestrales kamachiyta arinirik tapuy llankayta pushanka.
Payka mintalayta yachak, sawarishka, shuk ushushita charik kamachiy killkakmi kan, mushukyay yuyay hawa llankashpa katichun paypak ayllumi tiksi kan nirka. Kallaripika Fomento y Desarrollo Agropecuario llankaytami pushanata riman, Nelson Serrano kawsaypi mashimi kan, Pichincha marka wiñarichunmi llankanka.
Payka Pichincha markapak pakllakunamantami, Pedro Moncayo kitimanta shamun, chaymantami ayllullaktakunamanta llankanata yuyan, chaypi wakcha runakunapak tantarikunawan llankayka may sumakmi kan nishpa riman.
Paypak llankaywan kay wakcha kuskakunawan kimirichishka, kallaripika Pedro Moncayo kitiwan pakta runakunata yanapashpa llankak karka. Kay llaktatami yallita kuyani nirka, kay llaktami yachaypi, kawsaypi, pukllaypi, willaypi yaykuchishka nirka.
Kay tukuri killakunapika Pichincha Markapak Sistema de Riego Cayambe - Pedro Moncayo llankaytami pushakurka, chaypimi runa tantarikunawan, kapuchik tantarikunawan, llankakwasikunawan kimirirka.
LM/pv/jc-kichwa
