Allpa Kamachiyka awki mikunata charinkapa shuk ñanmi kan, alli tarpuna yuyaytami charin, achka watakunapak mikunata charina, kamana yuyaytami sinchiyachin. Mamakamachiypak 2 wankuri, 13 niki, runakuna, tantarishka runakuna kamayman yaykurina, uksi, punchanta pakllamanta shamuk mikunakunata charinatami rikuchin; runakuna imashina kawsamushka tarpuykunamanta shamuk mikunami kanka.
Imashinami FAO rimashka, mikuna ama illachun “tukuy runakunami achka, alli mikunata charichun yanapan, mutsushka mikunakunata paktachichun riman”. Shinami, imashina murukunata pukuchina hawa, sumak ruraywan llankankapa, pachamamata mana wakllichina ñankunata mashkan, shinami pakllapi kawsak ayllupak tarpuyta kaman, imashina chalwanata mashkan, kikin makirurayta pushana hawa rikuchin.
Shuktak tiksi yuyayka muyuntin kullkita wiñachina yuyaytami charin, shina tukuykuna paktapakta yaykurichun, alli mikuykunata charichun yanapana kan, pakllapi llankashkamanta kullkiwan riksichun.
Kay mushuk kamachiyka alli mikuyta charichun rikuchin, kay Agrobiodiversidad, Semillas y Fomento Agroecológico kamachiyman achkta kimirin, Ecuador llakta unkuchik murukunamanta kishpiyrishka kachun riman.
PJ/pv/jc-kichwa
