Kay sector público kamachiyta allichna nishpa, Conocimiento y Talento Humano hatun kamachik, Andrés Arauz, tukuylla mitachikunata yachachina hawa nikita churana riman, shuk yachay ñan tiyachun yuyachin, amawta yachaykunapi mishanakuymi kan nirka, tukuylla mitachikunata yachachishpa sinchiyachichun mañan.
Paykuna rikurimuk pacha, chay Derechos de los Trabajadores minkashkapi rikurishpa, tukuyllata may allita yanapashpa nishpaka llankaykunatami mushukyachina kan, chaypak llankakkuna allita yanchachinami kan, chaymi shuk llankana ñanshina kanka nirka, kipaman Servicio Público (LOSEP) kamachiy yanapaywan yachaypi, llankaypi sikankakuna.
Ashalla tukuylla kamaywasikunami llankakta samachin, minkashpa kachan, yalli sayllata llankakpi kullkiwan riksin nirka, kikinpak kullkiwan yachakkunata mana yanapanchu, kikin kullkiwanmi amawta yachaykunata charin, chaymanta tukuylla mitachikunata yachachishpa sinchiyachina kan.
Kay Educación Superior Hatun kamachiyta mushukyachishpa llankakkunapak hayñita sumaychana kan, shinallatak kay amawta yachaykunata sapan hatun yachanawasikunami rikunata charin. Chay Educación Intercultural kamachiy mushukyachinamanta rimashpaka, Mamallaktawan, kushipatawan yachaykunata pushaytami rikuna kan.
Shukpaklla yachana wasikunamanta rimashpaka, kay Código de Trabajo kamachiypi tiyak llankakkunapak hayñikunata ukllan, chaypakmi kay kamachiyta mushukyachina maymutsurik kan nishpa riman.
Ña tukuchinkapa rimashpaka, Mamakamachiy mushukyakushka nikikunata hapishpami kay kamachiyta killkana riman, chaymantami amawta yachanawasikunapi awllikkuna, mitachikuna, shuktak llankakunapash kay kamachiy mushukyarikpi yaykurinata charin.
Mamallakta Tantanakuypak kamachiy killkakkuna Pablo Serrano, Frente Unitario de Trabajadores pushakpak yuyaykunata chaskirka, tukuylla mitachikuna kay Código de Trabajo kamachiy rimashkata katishpami llankana kan, pushak kamachikkuna mana shinankachu.
RSA/pv/jc-kichwa
