Kay Derechos de los Trabajadores y la Seguridad Social minkashka, Marllely Vásconez kamachiy killkak, 2016-2017 watakunapak llankana ñanpika, kay wata Pawkar killapak kay sector público kamachiy ña allichishka kanka, chaywan kamachiy killkakkuna kallari atinakuyta charinka nirka.
Manarak rikuchishpa Llankay Hatun Kamachik pushak, Leonardo Berrezueta hatun kamchikta, Secretario Jurídico de la Presidencia de la República, Alexis Mera hatun kamachikta chaskinka, chaypi paykunapak yuyayta uyanka, shinallatak rikuykunatapash hapinka.
Shinallatak Mamallakta Tantanakuypak Seguridad Social kamachiy, Código de Trabajo kamachiy llankayañan ukupimi kan, kay ishkay kamachiytaka 2016 watapak chawpipimi rimankakuna, kay kamachiykunataka Mamallakta Pushakmi chayachinka kan, llankay kullki wichiyarinatapash rimanmi.
Pay Marllely Váconez, kamachiy killkakkuna samarishka kipa, rikukuykunata llikashka kipa, sapan nikikunata allichina nirka, katipika kallari atinakuypak willayta allichina nirka, kay llankayta pawkar killa, 23 punchakama tukuchinata riman, chay punchakama Mamallakta Tantanakuy Pushakman chayachinka, chaymi kamachiy killkakkunapak hatun tantaripi atinakunka.
Kay Servicio Público kamachiyta, Empresas Públicas kamachiyta, Educación Superior kamachiyta, Educación Intercultural kamachiyta, 180 punchapi allichinka, chayka raymi killapimi urman, Mamakamchiy allichirishka ukupimi kan, tukuy tukuylla llankakkunami kamachiy ukupi kanka, chayka servicio público kamachiymi kan.
RSA/pv/jc-kichwa
