Kay Soberanía Alimentaria y Desarrollo del Sector Agropecuario y Pesquero tantarita pushak, Mauricio Proaño kamachiy killkak, kunan watapi llankayñanpi Agrobiodiversidad, Semillas y Agroecología y de Pesca, Manglar, Acuacultura y Recolección kamachiykunata killkana tiyan.
“Ñami Muyu kamachiyta kallari killkakunata rurashkanchik. Kay llankayta kallarinkapa Agrocalidad, (IEPI), Ministerio de Ambiente, (INIAP), (MAGAP), (FAO) kamachikkunawan rimarishkanchik”, shinami Mauricio Proaño kay llankayta pushak rimarka.
Ña kay pankakuna killkashka kakpi, sumakruray kakpipash Mamallaktapi shuk hatun yachayta ruranka, Mamallaktapi kapukyay mirarichun maymutsurikmi kan.
Kunanpika, kallari atinakuyka sakirishkami kan, kamachiy killkakkuna samarishka kipami kallarinka, samarika 26 puncha, panchi killapimi tukurin “Chaypimi kallari yuyayta imamanta shutakyachinata rimashun, ishkayniki atinakuyta charinkapa allichirikunchik”, shinami willarka.
Chalway kamachiymanta, Mauricio Proaño kamachiy killkak, kay llankaytaka kipa minkashkami llankakun nirka. Kay kamachiyta killkankapa tawka Apya-yalamanta yachakkunawan rimashkanchik nirka. Paykunami rikuykunata churashka, alli kamachiy killkarichun yanapaykunatapash churashka nirka. Allpapachapi chirikunuk shuktakyarishka; kay llakika mamakuchatami llakichin, ama hatun llakipi urmankapa wakin tupukunata churana nirka.
Kay patakunpi rimana shuktak kamachiyka Sanidad Vegetal y Animal kamachiymi kan, kay kamachiyka ñami 40 watata charin Mauricio Proaño kamachiy killkak rimarka, kunan purik runakuna tiyakpi, sumakruraykuna, willaykuna mushukyashkamanta, kay kamachiyta mushukyachinami rikurin nirka.
“ Mamallakta mushuk llankaykunata charikpi kamachiykunatapash mushukyachinata munanchik”, nishpa rimarka.
EF/pv/jc-kichwa
