Mamallakta Tantanakuyka, Mamallaktapak shuk awllikmi kan, maypimi warmikuna pushana kuska tukushka. Kay kamaywasipi 40% patsakri warmikunami pushakun, kimsa kamachikunami warmi kan, Mallaktapak shuk wiñaykawsaymi tukushka. Shinami Gabriela Rivadeneira Burbano Ñawpapushak, Rosana Alvarado shukniki kipapushak, Marcela Aguiñaga ishkayniki kipapushak kan.
Shinami Mamallakta Tantanakuypi llaktakuna tantarishpa shuk rimayta rikuchin, mana allpa shuyumantalla, llaktayllamanta mana rimanchu, warmikunamantapash rimanmi, 137 kamachiy killkakkunamanta 57 warmikunami 2013-2017 watakunapak churashka kan.
Kamachiy killkakkuna hunta tantarishpami kamachiykunata arinin, allichin, mushukyachin, anchuchin; shinallatak kamachiywan manu kullkita wiñachin, mushukyachin, anchuchin; istakamachiykunata arinin, mananinpash; pushak kamachikkunapak llankayta rikun, Electoral y de Transparencia kmachikpak llankayta katikachan.
Kay patakupika Marllery Vásconez kamachiy killkak, Derechos de los Trabajadores pushakmi kan; Lídice Larrea kamachiy killkak Desarrollo Económicom tantarita pushak; María Augusta Calle Relaciones Internacionales minkashkata pushak; Johanna Cedeño kamachiy killkak, Participación Ciudadana pushak kan; Zobeida Gudiño kamachiy killkak, Derechos Colectivos minkashkata pushak; María José Carrión kamachiy killkak, Fiscalización minkashkata pushak kankuna.
Shinallatak, parlamentarios tantaripi kak kamachiy killkakunaka, Mamallakta Tantanakuy ukupika iskun uchilla tantarikunami kurparishka kan, chaymanta pusakmi warmikuna pushakun, shinaka 90 % patsakri kuskata warmikuna pushakun. Shinami, 68 kamachiy killkakkuna chay Grupo Parlamentario de los Derechos de las Mujeres tantariman yaykurishka kan. Kay tantarikunaka kamachiyta killkankapami tawka yuyaykunapi llankan. Shinallatakami kay Grupo Parlamentario Tránsito Amaguaña tantaripika kariwarmi rimaykunata pushan; Grupo Parlamentario de Derechos de Niñas, Niños, Adolescentes, Jóvenes kariwarmi hawami rimankuna.
Warmikunaka Mamallakta mushukyaypi llankanata ushanchikmi, kariwarmi rimaypilla mana llankanata ushanchikchu, llankakkuna, pakllapi kawsakkuna hawa hatun rimaykunata charinata ushanchik. Kay mushukyaypi warmikunapash kanchik nirka. Kay watakuna kari warmi pakta raki tiyachun achkata llankashkanchik, shinapash achkami sirin. Tukuykuna kari, warmi llankanata charinchik, shina ñukanchik kari warmi wawakuna alli kawsayta charichun rimarka.
LM/pv/jc-kichwa
