Kay 8 puncha, pawkar killa Mamallakta Tantanakuyta pushak, mama Gabriela Rivadeneira minkashkata pushakkunata shuk tantariman kayarka, chaypimi Mamallaktapi kullkikunata imashina wiñachina kamachiy hawa ashtawan rimanakuchun mañarka.
Kaya 22 puncha, pawkar killapak tukuylla tantariman, sapan minkashkakuna, paykuna mashka kamachiykunata arinishkata rikuchichun rimarka, chay kamachiykunata kipaman Mamallakta Tantanakuy atinakuyta charinka, shina Mamallaktata yanapanka.
Kamachiy killkak Octavio Villacreses kay kamachiyka may allimi kan nirka, chaymanta utkashpa arinina kan nirka, imashina kamachiy arinirishpa katinata paktachinami kan. Shinallatak Mauricio Proaño, paymanta llankakuk kamachiykuna imashina paktashkata llaktayuk rikuchinka nirka.
Shukta yuyaytami Dora Aguirre kamachiy killkak rikuchirka, payka ista llaktakunaman kamachiykuna imashina yanapakushkata rikuchinatami rimarka, Ecuador llaktamanta runakuna istallakatapi kawsakkunata kamachiykuna yanapakushkata riksina, Mauro Andino rimarka, yallik wataka may allimi karka, shinallatak llaktayukkuna imashina hapikushkatapash riksina nirka.
Mamallakta Tantanakuy ukupi Minkashkata pushak, kipapuchak, ishkantinmanta yuyarishpa, kullki wiñarina rimaykunata kallaripi churanka.
CV/js/jc-kichwa
