Kay Derechos Colectivos minkashka, chay Derechos Lingüísticos de los Pueblos y Nacionalidades hatun kamachiyta, kaya 10:00 sayllamanta rimay kallarinka. Kay Educación, Jorge Fabara Kipa hatun kamachik rikunka; kay mushuk kamachiyta killkak Alexandra Ocles kamachiy killkak; Coordinadora Nacional Campesina Eloy Alfaro, Romelio Gualán pushakpash rikunka.
Kay mushuk kamachiy, 2016 watapi llankana kallaripimi kan, riksina yuyaytami charin, llaktakunapak, runallaktakunapak kawsay ukupi sapalla runakuna, tantarishka runakuna hayñikunatami kamanata charin. Kamachiykunata katishpa, Mamallaktami yachayta, mawkayachinata, ñawpa rimaykuna kutintak kawsarichichun ukllayta kamana charin.
Kay (SENPLADES) kamaywasi, kikinllatak karupi kamachikkuna, kay llaktakunapak, runallaktakunapak pushakkuna, Secretaría Nacional de Política Lingüística kamachik, Consejo Nacional para la Igualdad de Pueblos y Nacionalidades pushakkuna, imashina ñawpa rimayta sinchiyachinkapa yachaykunata, mawkayachinata yachachinka.
Yachaypika, kallari yachaypi, tiksi yachaypi, pakta yachaypi, hatun yachaypi, sumakruray yachaypi kak wawakunata, wamrakunata ñawpa shimita yachachinka; ñawpa shimipak hillayta yachachinka, ñawpa shimipi yachachina ñanta pushanka, ñawpa shimita tikrachina, taripankapa yachanata pushanka.
LM/pv/jc-kichwa
