Kay Promoción del Trabajo Juvenil, Regulación Excepcional de la Jornada de Trabajo, Cesantía y Seguro de Desempleo kamachiyta, 28 puncha, pawkar killa, Kamukipupi, 720 yupaywan killkachirka. Shinami llankankapa yaykurirka, Mamallakta Tantanakuy 10 puncha, 85 apuchiwan arinishka kipami llankay kallarirka.
Kay kamachiyta katishpa, kunan wata kullakillamanta llankayta chinkakkunami, kay yanapay kullkita hapinka. 2016 watapi llankayta chinkakkuna kay kamachiywan paykunapak llakiman yanaparinka. Mamallakta yanapashka llankaykamayta hapinka. Kipaman kay mañachishka kullkitaka llankakpak 1% patsakriwan tikrachinka. Kay cesantía kullki mana chinkarin, rantinchishkapash mana kanchu.
Kay kamachiyka llullu wawata charik, wawata wiñachik tayta mamatapashmi yanapan. Kay kipa mama kimsa killa samayta hapinka, taytapssh 15 punchata samarinkapa hapinka, munashpaka iskun killakama chutarinka, chay killakunamanta kullkita mana hapinkachu, kipaman mana mañanka. Kay pachakunapi paypak cesantía kullkita mañanata ushanmi, mutsushka ishkay killa kipamai chaskinka.
Ashtawawankarin mamakuna ñuñuchina pachata mana chinkanka, paypak ñawpamanta llankamushka punchakunata mana chinkanka, IESS kushka hampirinatapash chaskishpa katinka, kipaman hampishkamanta Ministerio de Salud kullkita tikrachinka. Shinallatak, kay kamachiyka tayta mamata llankaymantallukshichishkamantami kamashpa ukllan.
Llankay punchakunamanta rimashpaka, llankayta kuk wasi, llankakkunapash, ashalla llankana sayllata, mana kashpaka suniyashka sayllata hapinka. Kallaripika washaman churanka, kullki hapina llakita charishkata hapinka. Shuk hunkapi 40 sayllata llankashkamanta, 10 chunka sayllata urayachinata ushanka. Kayta rurankapa llankay hatun kamachikmi rikunata charin, hatun llaki tiyakpi kullkita ashayachinata rikuchishpami shinanka, pushak kamachikkunapak llankay kullkita ashayachinka.
Pakta runakunaman, paykuna llankashkamanta Mamallaktapak yanapayka ishkay llankay kullkikami kanka, kaytami llankay kukman chayachinka, chay kullkimanta 20% patsakri mana wichiyankachu. Ishkay llankay kullki hawaman llankak kullkita hapikushka kashkamantaka, llankaywasimi kullkita kushpa paktachinka.
Yachakushpa, yachakukkuna llankashkamanta, kamachiyka achka yanaparita mirachinata riman, chayka kimsa patami kan. Yachakukkuna shukpaklla llankaywasiman rina ranti, kamaywasipi llankanata ushanmi chay llankayta, chay hatun yachanawasita pushak kamachikkuna rikunata charin, kay llankayka sukta killa yallipash suniyarinata ushankami.
LM/pv/jc-kichwa
