Mamallakta Tantanakuyman punchantami kamachiykuna killkarichun yuyayta kunkapa, kamaywasi llankashkata riksinkapa, chayashkakuna, kay tantarikunami kamachikta kachakkunawan, kamachikkunawan rimanakuyta yanapashka. Llaktakunapi, Mamallakta Tantanakuypi 2015 watapika 236 waranka llaktayukkunata chaskirka.
Mamallakta Tantanakuypi kay Coordinación General de Participación Ciudadana rikuchishkami shina rikurin. Imanikta rikukpika 8.629 tantarita pushakkunami chayarka, paykunami kamachiyta manarak arinikpi yuyaykunata kurka; markakunapi Mamallakta Tantanakuypak wasipi 113.918 runakuna chayarka; shinallatak 51.152 runakuna kamachiyta riksikunapi karka; kawsaypura purina llankaypi 48.340 runakuna karka, pushashka riksichinapi 14.110 runakuna karka.
Kayna wata Mamallakta Tantanakuy llaktapi rimanakuyta charirka, chaypimi paklla llaktakunata imashina yanapana hawa rimarka, chayka: paklla wiñarina, kullkimanta, kapukyaymanta, yachaymanta, tukuy llaktapak llaktayuk, allikawsaymanta, llaktay mañaymashkay, llaktayukkuna chaypi kay, runakuna yaykuri, wiñariyta rimarka. Mushuk yuyaymanta llaktayukkunapak yuyaykunata hapirka, hayñikunaman yaykuri, mushuk kamachiy killkakayman yaykurinata rimarka.
LM/pv/jc-kichwa
