Mamallakta Tantanakuy Presentación y Control de las Declaraciones Patrimoniales Juradas kamachiyta arinirka. Kay kamachiywanka 43 kamachiykunami Mamallakta Tantanakuy arinirishka kan. Kay kamachiyka optimizar los procesos de las declaraciones juramentadas katikuyta allichina yuyaytami charin. Shamuk 2017 watamanta llankay kallarinka.
Mamallaktata Pushak Rafael Correa 10 nikipak ishkay killkata, 11 nikipak shuk killkata rikurka, charishkakunata rikunatami ashtawankarin rimarka, charishkakunata chanina, hayñitapash riman. Kay Contraloría kamaywasi shuk llikata churana kashkamanta shamuk wata llankay kallarichun nirka. Kay allichishka kamachiy 67 kamachiy killkakkunapak yanapayta chaskirka.
Kay Participación Ciudadana minkashka, hatun kamachik hawa yachak, payllatakmi mushuk kamachiy imatalla churashkata achikyachin, kuskachin, paktachin nirka.
Kay kamachiywan tukuylla llankakkuna, zirmata katishpa paykuna imatalla charishkata willanka, Contraloría General del Estado kamaywasipak llika punkuta katishpapash ruranka. Chay willayka tukuylla riksinami kanka.Takarikuna, punchanta taripayka pakalla kanka. Tukuri willayka Fiscalía General del Estado kamaywan katikukpimi sakirinka.
Kay willaykunataka Contraloría kamaywasimi wakaychinka, pay chaskishka katikuy, kipushka ama chinkarichunmi allita wakaychinka, kay Comercio Electrónico, Firmas Electrónicas y Mensajes de Datos kamachiy rimashkata paktachinka.
Shinallatak, Contraloría kamaywasi mushukyarichun mañanka, imashina kakta mashkakuy manarak tukurikpimi willayata rikuchinka, imashina kashkata taripakpi, wanay katikuy tiyakpi wakaychinka.
Kay charishkata kamachiywan kullki hawa, nipakuna hawa tukuy charik willashkata charinka, kusa warmi charishkata, kari warmi tantarishpalla kawsak charishkata willanka, kay llaktapi, ista llaktapi uchilla wawakuna tiyashkatapsh willanka.
LM/pv/jc-kichwa
