Cahy Moscú llaktapi. Pawkar killa, 30 puncha, 2016 wata. Chay Moscú llaktapi ishkayniki puncha, mama Gabriela Rivadeneira, Mamallakta Tantanakluyta pushak, chay Rusia llaktapak Relaciones Exteriores kamachikwan shuk tantarita charirka, payka Serguéi Lavrov shutimi kan, ishkantin Mamallaktawan llankay yuyarita charinkapa rimarirkakuna, mintalana mutsuy hawapash rimarirkakuna.
Ishkaykutin churashka kullkita kunkapa yuyarinamanta, shuktakkunatapash, Lavrov kamachik “achkata yuyashpami kay yuyarikunata ruran nirka, ña allichirishka kashpa llankayman yaykurinka”, shinallatak“ista kamachikkunapak yanapaywan Mamallakta Tantanakuypak yanapaykuna sinchiyanka”.
Kay Ecuador llaktamanta, Rusia llaktaman ñuñuta katuymanta rimankakpa, euroasiático Mamallaktamanta Servicio Federal de Control Vegetal wasimanta, Fitosanitario wasiamanta, Agrocalidad ñukanchik Mamallaktaman shamunka, Rusia llaktawan mintalanata munakkunawan tantarinka, kipaman ishkantin Mamallaktakuna mintalankapa kallarinka.
Mama Gabriela Rivadeneira, Valentina Matvienko ñawpakpi, Rusia llakta Mamallakta Tantanakuypi rimarka, sapan wata shuk Mamallaktaman yanapayta kachan nirka. “ Ecuador llaktamanta tawka ñawikuk allpapachaman ñukanchikpak mushuk kawsayta kuk rurayta kachan, mushuk llankaykunapi kanchik, Mamallakta Tantanakuywan Rusia llaktawan may mutsurikmi kashka”, nirka. Shukmanta, Matvienko ishkantin Mamallakta Tantanakuypura rantinpak makita kuna nirka.
Chay Moscú llaktapi, mama Rivadeneira, kay Universidad de la Amistad de los Pueblos, Vladimir Filippov hatun yachana wasipi shuk tantarita charirka, paywanka yachayta mirachina hawa rimarka, llankaykuna imashina katikukta riksinka Mamallakta munashka llikata rikunka, ashtawanakarin Pachamama wakllirishkatami rikunka, sumakruraywan tarpunata, kapuksapi mushukyaytami rimanka.
Kay Ecuador llaktamanta yachakukkuna suktakutin yallita mirarishka Filippov kamachik nirka, hatun yachayta charichun yanapanchik nirka, shinallatak Centro de Lengua Rusa, kay Ecuador llaktapi wiñarichun nirka.
Chay hatun yachana wasipillatak Mamallakta Tantanakuyta pushak yachakukkunawan shuk rimanakuyta charirka, paykumanata tawka Ecuador llaktamanta karka, paykunawan pakta runakunaman llankayta wiñachina hawa rimarka, kullkita kutintak wiñachinamanta rimarka.
Kaya puncha, mama Rivadeneira, Rusia llaktapi paypak llankayta tukuchinka, San Petersburgo Mamallata Tantanakuyta pushawan rimanka, Georgy Poltchavchenko, marka pushakwanpash rimanakuyta charinka.
Jc-kichwa
