Kay “Tejiendo mis Derechos” llankayta yanapashpa, chay Nueva York llaktapi purik warmikuna chay Circunscripción de Estados Unidos y Canadá, Ximena Peña kamachiy killkakman, warmikunapak mana pakta kak llakita rikuchik pintuta chayachirka.
Wakin killkakunapika “ Warmikunami runakunata washamanta yanapanchik, ñukanchikpak llaktata ukllanchik rmak rikurin”, “Purik warmika sinchi, kuyay, ushay, kasikaymi kan riman”.
Chay Estados Unidos llakatamanta, Quito llakta Mamallakta Tantanakuyman chayamuk hatun pintuka Ximena Peña, Vanessa Fajardo, Liliana Guzmán, Paulina Padrón, Liliana Valarezo kamachiy killkakkuna rikuchishkami karka.
Kay mushuk llankayka, mama Gabriela Rivadeneira, Mamallakta Tantanakuyta pushakpak yuyaymanta, 8 puncha, pawkar killa, 2016 watapimi rikurirka, kayka “Tejiendo mis Derechos” shutimi kan, llaktakunapi kamachiykunata riksichina, shinami kari warmi paktapakta kawsana sinchiyan.
Shinami, Ximena Peña kamachiy killkak, purik warmikunapak punchanta sinchikayta, ñakarita rikuchirka. Mamallakta Tantanakuymanta warmikunata riksik kamachiykuna ashtawan killkashpa katina nirka, pakpakta hayñita charik llaktayukk kachun nirka.
Chay Estados Unidos, Canadá, España, Italia, Inglaterra, Alemania, allpapachapak shukak llaktakunamantapash, kay hatun willayman kimirishka, kay Mamallaktapika markapi tiyak llaktakunapash kay mushuk llankayman kimirishka.
JC-kichwa
