Kay Relaciones Internacionales minkashkata kipapushak, Dora Aguirre kamachiy killkak, chay Minamata yuyarinakuyka, Mercurio millpuyta ash asha urayachina nirka, kay chukita allita makinchichun alli kamachiykunata, ñankunata rikuchin, shina runakunapak, pachamamapak kawsayta ukllanka.
Kay yuyariwan allpapachapi, ñukanchik Mamallaktapi kawsak runakuna alli kawsayta charichun, maymutsurik hillaykunata churan, mercurio chukita mikushpa runakuna, pachamama kawsanamanta kishpiyrichun, kay llakimanta kishpirinkapa Ecuador llakta arinishka, kunanka Derecho Internacional ukupimi kan, kay kamchiyta ucha, may allita paktachichun kamanka.
Shinallatak, maypimi kay mercurio chuki mapayachikkuk kuskakunata sumak ruraywan shuyuna; kay mercurio chukita charik murukunata imashina punchanta mikuna hawa hatun willay tiyachun mirachina.
Kallaripika tukuylla kamaywasikunawan, tantarikunawan imashina kay kamachiy killkarikushkata rikurkakuna, paykunamanta Ministerios de Minería, Salud, Comercio Exterior, Relaciones Exteriores, Ambiente, Agricultura, Electricidad y Energía Renovable, Agrocalidad, Cooperativa de Producción Minera de Negros del Ecuador, ARCOM tantarikunawan rimarishkanchik, kay “Convenio de Minamata sobre el mercurio” yuyarita killkanaka Mamakamachiy kachashkami kan, chayka Pachamamata ukllanami kan, allikawsay hayñita mana sumaychashkata rikuchin.
JLVN/pv/jc-kichwa
