Mamallaktapak uma kitimanta Mamallakta Tantanakuypak kallarik 62 yanapakkuna Manta llaktaman chayarka, llakirishka runakuna ima mutsurishka chayachushpa, puñunata rikushpa, pichashpa, kipikunata allichishpa, watashpa yanapankakuna.
Kay Ministerio de Inclusión Económica y Social – MIES kamay wasiwan kimirishpa, maypimi yalli wakllirishka kuskakunapi ayllukunata, paykuna mutsurishkapi, ama yalli llakikuna rikurichun yanapanka. Shamuk killa puncha ishkayniki yanapakkuna chay markallamantak rinka, mama Gabriela Rivadeneira, Mamallakta Tantanakuyta pushakpash paykunantin chayanka.
Mamallakta Tantanakuypak shuktak llankayka, Ecuador: Ayudatón llankayta pushanka, chayka: kutintak wasichinkapa, chinkashkata shayachinkapa nipakunata kitikunamanta, shulkakunamanta tantana, kullkita tantanami kan.
Kay llankayka Quito llaktapi, Mamallakta Tantanakuypak wasipimi, kullka 21 puncha, ayriwa killa 8h00 sayllamanta, chaska, 22 puncha, 22h00 sayllakama llakanka, takikkuna, killkakkuna, amawtakuna, kamachiy killkakkuna yanapanka. Kay Mamallaktamanta, istallaktamanta shamunka.
Manarak kamachiyta arinishpa llaktakunapi tapuy, minkashkakunapak llankaykuna harkarishka kan, Mamallakta Tantanakuypak llankay chay hatun llakipi ashtawan satirishka kanka.
J.C.-kichwa
