Mama Gabriela Rivadeneira, Mamallakta Tantanakuyta pushak, wasikuna tuñirishka waranka wallkirishka runakunata yanapana nirka, kay llakipi Mamallakta Tantanakuy yanapanka.
“Hatun llaki wakllichishka kanchik, Mamallakta Tantanakuy kay nanayman tantarishka, kunanmi yallik watakunata yalli ashtawan yanapaykuna chayachina kan, ashalla pachapi, sunipachapi chay hatun llakita runakuna charishkapi, wakllirishkapi yanapanami kanchik, kay allpa wakllirika wacha, 16 punchapi, ayriwan killapi karka”, shinami Mamallakta Tantanakuy pushak rimarka.
Kay mushuk yuyaykunaka Banco del Pacífico, kullkiwasi, kullki churana yupayta wiñachirka, chayka 1049488252 yupaymi kan, chaypimi yanapak runakunaka kullkita churanka; shina Federación de Estudiantes Universitarios Particulares del Ecuador (Feupe); Organización Techo, kamaywasikunami mashna wasikuna urmashkata riksikun, chay washami imashina yanapanata willanka.
“Kamachiy killkakkuna tukuykunami rikcharishka kanchik, mana kay Mamallakta Tantanakuypilla kanchikchu, tantarishka runakuna Quito llaktapi yanapayta tantakun. Kaynami kallarik 62 tantarishka kunakuna Manabí llaktaman yanapanka shamurka, kaya tutamanta shuktak yanapakkuna shamunka, shinallatak chaska puncha shuktak tantarishka runakuna chayamunka”.
Tukuchinkapa, allpapachapi tiyak Mamallakta Tantanakuykuna, ñukanchikpak Mamallaktawan nanarishpa yanapakun, shamuk punchakunami paykunapash yanapayta chayachinka.
KZ-RSA/pv/jc-kichwa
