Mamallakta Tantanakuypak Ankipi rimashpa kay “Ecuador: Ayudatón por la Reconstrucción” llankayta kallarichin, kaytaka kamachiy killkakkuna pushakun, Banco del Pacífico, Federación de Estudiantes Particulares del Ecuador (FEUPE) kullki wasikunapi kullkita churanka, paykunami ayllukunapak wasita ruranata yanapanka, chaypak yanapaykunata tantanka, willashka kullki wasipak (1049488252) yupaypi kullkita churanka.
Kay Ayudatón llankaypi, 30 patsak tupu allpapi tiyak yurakunata karashpa kallarirka, chaywan wasichinkakuna, kaytaka Quito llaktamanta Cristina Maag, payka wallpa churarinakunatami wallpan. "Mana uchillalla yanapay tiyanchu", shinami Maag rimarka, kay tantay llankayta kallarichik warmi shina rimarka. Mamallakta Tantanakuypi kamashpa llankakkunapash yanpashpa rimarka, shuktak runapash 1.416 kullkita churarka.
“Kay Eacuador llaktapi kawsak waranka runakunapak, Mamallakta Tantanakuypak mushuk wiñariy kan, killakunata, watakunata llankana kakpipash ñukanchik wakcha runakuna kashkamanta yanapashpa katinami kanchik, kutintak wasikuna wakllirishkata shayachinka kama llankashpa katina”, shinami rimarka.
Shinami tukuy Mamallaktapak tantarishka yanapak, kikin yuyaymanta yanapakkunata yupaycharka, paykunaka tukuy Ecuador llaktata mañashpa purikun, kay yanapayta kit kipita rurashpa ayllukunaman chayachunka, shinami tukuy Ecuador llaktapi kawsak runakuna yanaparishpa katichun kayarka.
Wasichinkapa nipakunawan yanapanata munak runakuman, tantarikunaman, llankaywasikuman Mamallakta Tantanakuypi, markakunapipash shuk kullka wasimi tiyan, chaypillatakmi shuk kullka tiyanka, chaypimi yanapaykunata chayachina kan. Mamallakta Tantanakuypak Anki yupayka: 023953132 - 33 - 34- 35 - 36 -37 shinami kan, kay yupaykunaka, kunan puncha, kaya punchapash 8h00 sayllamanta, 22h00 sayllakama kanka.
LM-KZ/pv/jc-kichwa
