Kay Ayudatón por la Reconstrucción, Mamallakta Tantanakuypak yuyayka, chawpi hunu kullkita tantachirka. Kay 10h00 sayllata llankaypi, tantashka kullkita 511.613 dólar kullkiman chayarka, wakinkuna kullkipi, wakin yanapay nipapi karka. Runa tantarikuna, llaktayukkuna ayllukunaman wasikunata kutintak rurankapa yanapan, chay llakika 16 puncha, ayriwa killa allpa chukchushpa wasikunata tuñirka.
Kay ishkayniki llankaypika, Corporación La Favorita, Kiwy, Juan Carlos Escalante, 20 waranka dólar kullkiwan yanaparka. “Hatun kuyaywan kuchuyanchik. Kayka hatun kuyaymi ushaymi kan. Kikinpak kamaywasiwan llankankapami shuk kamaywasita wiñachishkanchik”, nirka.
"Kay willayka llaktakuna mana yanapakpika, mana rikurinmanchu karka. Kutintak wasikunata ruranaka achka watakunatami apanka, wakcha runakunamantami kallarina kanchik”, shimami mama Gabriela Rivadeneira, Mamallakta Tantanakuyta pushak rimarka. Kay llankayta yanapak takikkunatapash shinami yupaycharka, chayka: pushakkuna, takikkuna, suyumanta tantarikuna, tantarishka takikkuna, cuba llaktamanta Gente de Zona karka; Marta Gómez takik, Colombia llaktamanta; Víctor Hugo Morales willak, uruguayo llaktamanta, Madres de la Plaza de Mayo pushak, Argentina llaktamanta karka, llakirishka runakunaman yanaparka.
Kunan tutamanta Manabí markamanta, Mariano Zambrano chayarka, Santa Elena llaktamanta, Patricio Cisneros kamachik, shinallatak Alianza PAIS Ximena Ponce, Raúl Tobar, Arcadio Bustos, Sociedad Patriótica kamachiy killkakkuna chayarka.
LM/pv/jc-kichwa
