Kayna chishi Régimen Económico minkashka, Patricio Rivera, Coordinador de la Política Económica kamachikta kayarka, paykunami mushuk solidaridad y corresponsabilidad kamachiyta atinakunkapa kallarin, kay kamachiyka achka yanapaykunatami charin, shinami maypimi allpa chukchuywan Manabí, Esmeraldas llakirishka llaktakunata achkata yanapanka.
Kay kamachiyka maypimi allpa chukchuywan llakirishka markakunapi kawsak runakunata yanapanka. Shinami shuk hunu kullkita tantankapa mashkan, chaywan wakchayashka ayllukunata yanapanka. “Hatun chukrikunata sakik llakiwanmi takarinchik. Utkashpami kay llakimanta llukshinkapa yanapana kanchik”, shinami Rivera kamachik rimarka.
Churashka kullki yanapay
Yallirishka ayllukuna kullkita mañashkata 16 puncha, ayriwa killakama charikpika wawakullkita, wanachiy, yapa apachishka kullkita mana kuchun riman. Shina yanapashka 32 hunu dólar kullkiman chayanka. Chay RISE kullkita mana kuchun yuyarishka kan, chayka 1,1 hunu kullki tukunka. Shinallatak Impuesto a la Renta 2015 watapak churashka kullkita mana kunka, chayka, 4,2 hunu dólar kullki tukunka. Llakirishka llaktakuna Impuesto a las Donaciones, churashka kullkita mana kunka, IVA kullkita tikrachinka, chayka 17 hunu dólar kullkiman chayanka.
Kay mushuk yanapayka tawka yuyaykunatami charin, Ecuador llakta shukpaklla, tukuyllapak kullki wasikunawan llankashpa llakirishka ayllukunata yanapanka, shinami manuta charik ayllukunawan mana wawakullkita kunka, tarpuykunaman kullkita shurkuna, shinami Mamallakta ashtawan wiñarinka. Tawka ñankunata mashkashka kipami kay mushuk kamachiyka yayrurirka, antawata rantishpapash churashka kullkita mana kunka. Kay achka llakirishkamanta, shinami Rivera kamachik rimarka.
MC/pv/jc-kichwa
