Kay Justicia y Estructura del Estado minkashka, kamachiy killkak Mauro Andino pushashka karka, Código Orgánico Administrativo kamachiyta kutintak rimanakurka. Chaymi Jaime Villacreses, Instituto de Estudios de Derecho Administrativo y Social kamaywasimanta, kay kamachiy hawa rimarka.
Llakirikuna, yanapaypash
Ñawparayashpa, 16 puncha, ayriwa killa llakirishkakunawan, tuñirishka kuskamanta surkushkakunawan yanparirka, alli wasikunata rurankanpa rikurkakuna. Alluriquín llaktapi llakitukshkatapash nanarirkakuna.
Kamachiy killkak Mauro Andino, ishkay wasimanta shuk wasika, shayashka sakirishka, shukka urayman tikrashka, mana hamutarimi kan, chaymanta GAD kamaywasimi imashina wasikuna ruranata kamachiywan arininata charin nirka. Llakimari kan, wanay kullkita kushpa wasichikllami kashka, wasi shuyuta mana arinikchu kashka, chayka mana allichu kan nirka.
Kamachiy killkak Gabriel Rivera, Código Penal kamachiypi llashak wanayta churana nirka, maypimi tuñirinalla allpakunapi wasi yatata rurakkuna wanachishka kanka nirka, sumak ruray yachayta mana hapishpalla wasichikta, kay uchilla kamachiykunata mana paktachikta wanachina nirka.
Paymanta, Miguel Moreta kamachiy killkak, Alluriquín llakiwan kimirishkata rikushpa yupaycharka, 200 wasikuna, allpa tuñiriwan Santo Domingo llaktapi wakllirishkata rikunka. Kiti kamachikkuna arininkapa tawka pankakunata mañan nirka.
Kamachiy killkak Gina Godoy, allpa chukchuywan tuñirishka wasikunata, wakllirishka wasikunata rikuchun, kikinllatak karupi kamachikkuna mana alli kamachiywan arinishka kakpi atinakuyman churan nirka.
Amawtaypak llaki
Kamachiy yachak Jaime Villacreses, chay Código Orgánico Administrativo kamachiyka tukuykuna shuyakushkami kan, llakita harkak kamak kishpiychikkuna, kamay llankaypi kak kamachikkunami kay kamachiy ukupi kanka nirka.
MG/pv/jc-kichwa
