Kay Ayudatón por la Reconstrucción, Mamallakta Tantanakuy tankashkami kan, llaktayukkunapak yanapayta chaskishpa katin. Kunan puncha Sucumbíos llaktamanta kamachiy killkak, Raúl Tobar, paypak markamanta huillayta katuk wasikuna hillaykunata kurka. Kay hatun willaypak yuayka nipakunata, kullkita tantachina yuyaymi kan, chaywan 16 puncha, ayriwa killkapi wakllirishkata allichinkapami kan.
Kamachiy killkak Tobar paypak markamanta kari warmi llaktayukkunata yupaycharka “tuñirishka llaktakunata yanapankami kan nirka”. Kay Sucumbíos llakta kullki llakita charishpapash allpa chukchuywan llakirishka runakunata yanapayka mana samarishkachu.
Shinallatak Colombia llaktamanta chay llaktapi kawsak runakuna yanapayta apamukpipash achkatami yupaycharka, shinallatak Departamento de Putumayo llaktamanta yanapakta achkata yupaycharka, chay llaktapika Anki Purinata rurashpami Yunka llakta llakirishkaman yanapaykunata tantashka. Shinami; zinc panka, rumi kuta pukcha, ishpana wallukuna, maki mayllana, lampakuna, lachukuna, pichanakuna, shuktak hillaykunatapash chayachirka.
Kamachiy killkak ashtawan yanapaykunata kushpa katichun kayarka, hillaykunatapash, kullkitapash kushpa katinami kan nirka, kullkitaka Banco del Pacífico, 1049488252 yupaypi, Ayudatón por la Reconstrucción shutipi churana. Llakirishka ayllukuna, wawakuna, warmikunaka ñukanchik yanapaytami mtsun nirka, kay llakika suni pachami kanka, kutintak allichinaka achka watatami uniyanka.
LM/pv/jc-kichwa
