Tapuy uchilla kamachiypak 18 nikipi, Disposición General Tercera del Instructivo para la Aplicación de la Consulta Prelegislativa rimashkata paktachishpa, kaya chaska, 6 puncha, aymuray killa, 09h00 sayllamanta, 17h00 sayllakama, Biodiversidad minkashka Mesa de Diálogo Nacional tantarita ruranka, chaypimi markakunapi rimanakuy hawa, manarak Código del Ambiente kamachiyta arinishpa charinka.
Mamallaktapi rimanakuymi, manarak kamahiyta arinishpa tukuri rimanakuy kan, sapsi hayñita charik hatun tantarikuna chaypi kanka, Biodiversidad, Recursos Naturales minkashkakunapash chaypi kanka.
Katipi, kipa puncha, kay willayta Gabriela Rivadeneira, Mamallakta Tantanakuy pushakman kachanka, paymi markakunapi tapuy tukurin nishpa Mamallaktaman willanka, imashina tukurikta riksichinka.
Kay llankayta minkashka Código del Ambiente kamachiy ishkay atinakuyman yaykurichun, shuklla yuyaypi sakirishkata, takarishka yuyayta riksichinka. Shuk yuyaypilla sakirishka nikikunata mushuk kamachiyman yaykuchinka.
Kay Código Orgánico del Ambiente kamachiypak hatun yuyaykunaka: wakaychishka allpa ukupi tiyak kikinpak allpakuna hawa, sapsi allpakunata charishka hawami kanka; pachamamata unipak charina, pachamamapi tiyakkunata imashina mawkayachina, makinchina; ñawpa pachamanta charimushka yuyaykunata, yachayta, rurayta ukllana, unipak charina, wiñachina yachayta charinka.
JLVN/pv/jc-kichwa
