Kay Justicia y Estructura del Estado minkashka chay Papeles de Panamá llakita kutintak taripashpa katinkapa kallarin, shinami Javier Bustos, Universidad San Francisco de Quito llaktamanta, Orlando Pérez, Diario El Telégrafo pushak rimarka, paykunami offshore kamaywasi llakita taripay kallarin.
Kamachiy killkak Mariangel Muñoz, minkashkata kipapushak, mayhantapash katikachayka mana kanchu, mayhanlla kamachiyta, hayñita pakishpa huchata charikman apachinkapa kamachiyta churaymi kan. Churashka kullkita mana kunkarayku shukpak shutipi kullkita wakaychina, suwashka kullkita llankaypi churana, kipaman surkushkata taripanan nirka.
Kay Javier Bustos, chay Universidad San Francisco de Quito yachana wasipi yachachik, mayhan taripaykunata tapurka, churashka pakalla kakta tarirka, chaymi hatun llaki kan nirka. Ecuador llaktamanta kamachiy, ista kamachiypipash ista llaktapi kamaywasita wiñachichun punkutami paskan, shinapash kamachiyta pakishpa kullkita apashkatami ashtawankarin rikuna nirka.
Pay, Orlando Pérez willakkunaman, willana ñankunaman Papeles Panamá llakita tukuykuna riksichun achiklla willana nirka, tukuylla kikinkayta, shukpaklla kikinkayta willaywan llakichiktapash mana llakichinachu kan, chaypi illutalla mana riksichinachu kan, runakunapak ñawpakpi mana panta willanachu kan nirka.
Kay willayka, Mamallaktamanta 600 runakunami kan, paykunaka: Mamallakta Pushak, llaktakuna, allpapachapi rikurik pukllakkuna kan, paykunamanta kimsami Ecuador llaktamanta kan, mana tukuyta willashkachu kan, chayta willankapami Consorcio Internacional de Periodistas de Investigación wiñarishka kan, Centro de la Integridad Pública kamaywasi, 1997 watapi wiñachirka, yanapaykunaka achkami Estados Unidos llaktamantami kan. Kay taripaypika mana EEUU llaktamanta runaka shukllapash kanchu, achkatami kaytaka yuyachin.
Kay 2014 watapi, Ecuador llaktamanta, 125 tantari achka kullkita charikkuna, manu kullkita mana kunkapa Panamá llaktapi kawsak shina, 60% patsakri charikkuna rikurirka
Kamachiy killkak, Luis Fernando Torres SRI kamaywasimanta, Leonardo Orlando kamachik rikurichun nirka, pakalla tiyak willaykunata kunankama mana willashkata riksichichun nirka.
MG/pv/jc-kichwa
