Mamallakta Tantanakuy, Acnur tantariwan purik runakunata yanapankapa yuyarin, shinami purik runakunata tukuy mutsuykunapi yanapankapa kutintak llankankapa yuyarirkakuna, chay purik runakunata ashtawan yanapankapa, ukllankapa shina yuyarirkakuna.
Mama, Gabriela Rivadeneira, Mamallakta Tantanakuyta pushakwan ACNUR tantaripak hatun kamachikwan, María Clara Martín pushakwan, shuk yuyarita killkashka kipa, 30 puncha, kulla killa, 2015 watapi yuyarita killkashkawan ñami purik runakunata achkata yanapanka.
Kay tantaripi, María Clara Martín kamachik, Mamallakta Tantanakuy llankashkata achkata riksirka, chaywan Movilidad Humana kamachiyta sinchita pushanka riman, kay mushuk llankaymi kan “allpapachapi shukllami tiyan nirka”, chikan chikan purik runakunata sumaychana nirka.
Paymanta, Gabriela Rivadeneira Mamallakta Tantanakuyta pushak, Ecuador llakta purik runakunapi yuyashpa purik runapak kamachiyta churan nirka, kay kamachiywan kishpiyrishka purinata rikuchin. Kay mushuk kamachiyka ACNUR tantarimanta, tantarikunamanta, purik runakunamanta yanapayta chaskishka. Raymi killapak ñami arinishka kanka.
Kay yuyarita killkaypi Álex Guamán, Grupo Parlamentario por los Derechos de las Personas en Movilidad Humana pushak karka, paymi tantarishpa llankarka. “Kay Ecuador llaktaman, allpapachapi tiyak tawka ista llaktakunamanta riksinkapa shamushka, paykunata kay mushuk kamachiyman yaykuchinata rikuchinchik -shina paykunapak hayñita chaskinka, purinatapash ushanka”, rimarka.
KZ/JS/jc-kichwa
