Kay Régimen Económico minkashka kunan puncha Solidaria y de Corresponsabilidad Ciudadana por las Afectaciones del Terremoto kamachiyta arinirka. Kay kamachiywan allpa tuñirikpi llakirishka runakunata yanapanka kullkita, nipakunata tantachinka. Shinami llankaykunata, tarpuykunata, shuktak ruraykunata kutintak kallarinka. Kay ruraykunawan 16 puncha, ayriwa killa, 2016 watapi llakirishka ayllukunaman yanapayta chayachinka.
Kay kamachiyka hatun kamachiymi kanka. Shinami achka wasita, nipakunata charikkuna churashka kullkita kuna kan. Shinallatak kay llaktamanta, shuktak llaktapi charikunapash churashka kullkiwan yanapanatami charin.
Kullkiwan yanapaykuna
Kullkita mirachishpa llankakkunapash kullkiwan yanapanata charin. Mana churashka kullkita kushpa kawsakkuna 2015 watapi manakushkata rikushpa, kullki mirarishkamanta 3% patsakri kullkita churanka. Llakta runakunapsh 2015 watapi kullki purishkata rikushpa churashka kullkita kunka, shinapash llankay wasipi llankashkamanta imashina hapishkata rikushpami kullkiwan yanapanka. Shinallatak 2015 watapi shuktak runakuna charishkakunata mirachishpa llankakkunapash churashka kullkita kuna kan.
Kay kamachiywan kullkikunata tantachinata churana kan, kay kullkitaka mana mayhanmanpash charichun kunachu kan, shuklla charichun, kay Valor Agregado (IVA) mushukyaykuna tiyakpi ashalla pachapak kullkita kuna kan, kay yanapaykunawan Manabí llaktapi llakirishka tawka llaktakunaman chayanka.
JLVN/pv/jc-kichwa
