Kay 16 puncha, ayriwa killa, sapan watapi Ecuador llaktapi kawsak runakunaka Día de la Solidaridad shutiwan riksinka, allpa tuñiri puncha kakpimi shina yuyarinka, chay llakirishka runakunata yuyarishpa yanapachun, kay Ecuador llaktapi kawsak runakuna yanapak runakuna allpa pachapi rikurichunmin shinan. Chaymanta (121) kamachiy killkakkuna Hatun Tantaripi, 385 yupaywan arinirkakuna.
Mamallakta Tantanakuy kay Mamallaktamanta kamaywasikunata, tantarikunata, llaktayukkuna yanapashkata, ista llaktamanta yanapashkatapash riksinmi. Tukuy kamaywasikuna yanapayta chayachinkapa kayan, shinallatak llaki kuskamanta anchurishka pakllapi kawsakuk runakunata yanapashpa katinkapa kayan.
Pay Marllely Vásconez kamachiy killkak, Derechos de los Trabajadores minkashka 16 puncha, ayriwa killata mana yanka yuyarinachu kan, Ecuador llaktamanta waranka waranka runakuna, ista llaktamanta achka runakuna hatun llaki hawa makita kushkatami yuyarina kanchik, chaymanta, shina “ Yanapay puncha” kachun yuyarirka. “Kay 16 puncha, ayriwa killa”, hatun puncha wiñarin, shinami Manabí llaktamanta kamachiy killkak rimarka.
Chay Manabí llaktapika 1.554 ayllukuna mana paykunapak wasipi kawsakun, chayka 5.967 runakunami nisha nin, kay ukupika: rukukuna, wawakuna, tisikukuna, yuyakkuna kawsakun. Paykunata yanapanka tukuy kay llaktamanta, ista llaktamanta kamaywasikuna makita mañachikun.
Tarik kamachikkuna 100 yalli runakuna kawsak kakta surkurka, tawka runakunami kullkita mana hapishpalla yanaparka, unipak chay yanapay kachun mañan. Yanapaykunata kitikunapi ashtawan tantashpa katichun yuyayta churan.
RSA/pv/jc-kichwa
