Kay 6 puncha, aymuray killa 2014 wata Ecuador llaktapak hatun punchami karka. Chay punchami Mamallaktakunapi paktapakta hatun puncha tiyachun yuyarirka. Chay punchami Mamallakta Tantanakuypi Consejos Nacionales para la Igualdad kamachiy wiñarirka, chaypunchamanta runakunaman, sapsikunaman, ayllullaktakunaman, llaktakunaman, tantarikunaman tukuylla llaktay tiyarirka.
Tawka watakunata, Imbabura markapi Otavalo llaktapak, Ibarra kitipak ñankunapi mama Ximena Encalada Valenzuela kaparishka uyarirka. Chay16 watata charishpa Colegio República del Ecuador yachana wasipi kashpa, warmikunapak hayñita mañak karka, kaparikunapak chawpipi purik karka, willak hatunpankata makipi apashka paktarakita, kariwarmi pakta kayta, shumakchayta mañak karka. Kunanka 48 watatami charin, kimsa churita charin, 25 watata willashpa llankamurka, Ecuador llaktapi ushaykunata rikun, achkakunami chayrak llankana sirin nirka, hayñikunaka pankapillami kan.
Paypak willaykuna llankaypi, mama Ximena Encalada tukuysami llakikunata yallichirka. Ñukachik llaktapi Willay Kamachiy mana wiñarinka yuyarka. “Yuyayka allimi karka, shinapash willak kamaywasikuna, willakkunaman llankashkamanta llankay pakta kullkita kushpa”, killkashpa willakkunapi, chaypi llankakkman kamachiyta pakishpa llakichirka. Chaypimi “kamachiyta mana paktachirka”.
Pay Ximena mamapak yuyaypika, Ecuador llakta achkata usharka, shuktak Mamallaktakunata ñawpakmi kan. “Tawka watakunata sinchita llankashkamanta imatatak hapinchik nishpa churikuna tapun, ñukanchikpak yachayta shuktak runakunata mana tsiknishpalla pushaymi alli kan nirka, hayñikunta mañana Mamallaktapi kawsachun munaymi kan. Paktakayta charik Mamallaktata rikuni, maypimi llankay, hampi, mikuna tiyan; kullki llakikunaka yuyapillami kan”.
MC/pv/jc-kichwa
