Mamallakta Tantanakuy Tejiendo mis Derechos llankayta tukuchin llaktayukkunata kayan, Juan Montalvo pampapi pusharinka, chilla, 18 puncha, aymuray killapi kanka, 09:00 sayllata kallarinka. Kay willayka warmikuna paypak hayñi hawa rimachunmi pusharirka, wakinkunata tukurirka, shuktakunaka, warmikuna karikuna paktapakta kachun chayachun kallarinka, ishakantin pakta rakita charichun pusharinka.
Warmikunaka tukuy Mamallaktapi chikan chikan kuskakunapi tantarirka, kunan paykunapak mushuk, hayñikuna hawami rurarka, paykunapak mañaykunata yuyachinkapapashmi karka, imashina kamachiykunata paktachichunpash karka, chaywan, paktarakina, paktakay hayñita charinka.
Kay Tejiendo mis Derechos willay, sarun 8 punchata kallarirka, chayka Día Internacional de la Mujer punchami karka, waranka warmikunatami, runakunatapash pushamushka, chaypimi warmikunapak hayñita rimashkakua; punchanta warmikunata takay llaki tiyashkamanta kaparimi kan.
Kay punchapi, tukuy markamanta tawka warmikuna wakin purina llankaykunata rikuchinka, Mamallakta Tantanakuyman tawka tullpuwan awashka hatun pintuta rikuchinka, chaypimi hayñita, muskuyta, munayta, paktanata, mañashkata ushashka ushayta rikuchinka. Ecuador llaktapi kawsak warmikuna kawsaypura llankayta rurashkata rikuchinka.
Tukuy kay rimaykunapi mama Gabriela Rivadeneira Mamallakta Tantanakuyta pushakman willayta rikuchinka, kipaman, kari warmi pakta kachun shuk kamachiyta wallpanka.
RSA/pv/jc-kichwa
