Kay 190 tantari kipa, Mamallakta Tantanakuy, chikan chikan llaktay tantarikuna Agrobiodiversidad, Semillas y Fomento Agroecológico kamachiyta manarak arinishpa llaktakunapi tapuy tiyachun arinirkakuna, sapsikuna, llaktakuna, ayllullaktakuna, llaktakuna, runallaktakuna, tantarikuna alli kamachiy killkarichun paykunapak yuyayta churanka, chaywan Ecuador llaktapi awki mikuna tiyachun yanapanka.
Kay atinakuyta kutintak pushanaka, pakllapi kawsayta kutintak allichishpa pushanatami rikuchin, tarpuyta mushukyachinkapa shuk hillaymi kan, chaywan Ecuador llaktapi kawsak runakunaman awki mikuna tiyachun yanapanka, shina unipak llika, pachamamawan mashiyarishka kanka.
Pay Armando Aguilar kamachiy killkak, Ecuador llaktapi kawsak runakunaman mana mikunatalla karachun, tarpuymanta murukunata mirachichun, chay tawka sami murukunata, wiwakunata ista llaktakunaman kachachun kapukkunaka kamashkami kana kan, Mamakamachiy rimashka shina yanka murukunamanta kishpiyrishkami kana kan.
Paymanta César Umaginga kamachiy killkak kay rimanakuyka may sumakmi kan, Ecuador llaktapi kawsakkunatami yanapanka, uksi mikunatami kunka. Pakllapi kawsak llaktakunaman, runakunaman shuk kamachiy hillaymi kan, mikunata paktachinka. Muyuka mikunatami chayachin, kamanami kanchik. Runa llaktakunaka alli muyukunata tarinata, mirachinata munanchik. Shinapash ñawpa yachayta, amawtata sumaychana, kaykunataka wakaychinami kanchik.
Kamachiy killkak Esthela Acero, ista llaktamanta taripayta rikushpaka, 10 llankak wasikunami 77% patsakri katuna muyukunata hapishka kan, chaymanta 3 llankak wasimi 47% patsakrita hapin. Shinallatak 82% patsakri muyukunami kipushka kan, chaymanta 79% murukunami tarpushka murukuna kan. Chaymi awki mikunata manchachishka rikurin, kay kamachiy shukpaklla makipi kachunmi harkanka, muyuta hapik hatun charikkunata harkanka, shinami nirka. Ñukanchikpak kakta wakaychinkapa kanchik, kay muyukunami achka watakunata kawsayta kuska, kay kamachiy llaktakunapi tapurichun, riksikkunallami kay kamachiyta allichinka.
JLVN/pv/jc-kichwa
