Kay Soberanía y Relaciones Internacionales minkashka, Marco Filippo Tornetta, Ecuador llaktapi llankak Italia llaktapak istakamachik, Jaime Barberis, subsecretario de América y Europa kamachik, Cancillería wasimanta, ishkantin llaktakuna Servicios Aéreos yuyarita alli kan, riksina kuskakuna hawa llankana alli kan nirka.
Hatun kamachikkuna minkashkaunata, Mamallakta Tantanakuyta llankachun kayarka, kaytaka utkachun mañarka, kay ista hillayta kutintak arinichun mañarka.
Wiñaykawsaymanta alli apanakuy
Kamachiy killkak María Augusta Calle, kay Relaciones Internacionales minkashka, kay yuyaritaka 25 puncha, sasi killa, 2015 watapi, Quito llaktapi killkarka, kay Corte Constitucional kamachikkunapak yanapayta charirka. “Wiñaykawsaymanta Ecuador llaktawan, Italia llaktawan alli apanakuy charimushka, chaymanta kunanpi alli yuyarikunata charinata ushan.
Kay 2007 watapi, Ecuador llaktamanta Italia llaktapi, 68.880 runakuna allita kawsankapa kipurirka, shinallatak 2015 watapika, 2.905 runakuna chay kawsankapa rirkakuna, shinallatak ñukanchik llaktaman italia llaktamanta 1.502 runakuna yaykurirka, kay willaykunami yuyarita killkankapa hatun mutsuyta kun, shinallatak Asistencia Judicial, Penal,Tratado de Extradición hawapash yuyarirkakuna.
Riksina mirarichun
Kay Jaime Barberis, chay Cancillería kamachik, kay yuyarina riksinata mirachinka, Ecuador llaktamanta antankakuna purinata mirachinka, mintalanata yanapanka, Ecuador llaktamanta istapi kawsak runakunata yanapanka, chayana kuskakunaka: Quito, Guayaquil, Roma, Milán, shuk akllana llaktakunapash kanka.
Hatun rikuykuna
Chay Roma, Milán, Génova llaktakunapi kawsak runakunapak punchanta alli taririnata kutintak hapishpaka, Ecuador llaktamanta, Italia llaktaman, tikramunapash kanka; mitachi yuyarika kay purina mutsuytami yanapan, shinami Dora Aguirre kamachiy killkak riman, payka minkashkata pushakmi kan.
MG/jc-kichwa
