Chay Américas y el Caribe llaktakunamantami 70 kamachiy killkakkuna chayamunka. Kay tantarika Parlamento Latinoamericano (Parlatino) tantariwan takarin, kay tantarikuna ashtawan sinchiyanka, mushuk rimanakuykuna ashtawan kimirinakushpa katinka.
Rimaykunaka runa warmikuna llaktaypi kana hawami kanka, chaymanta yallita punkuta paskanka. Warmikuna llankana hawapash rimanka. “Kay hawa achkata ushashkanchik, chayrak pankapimi kan, chayrak mana pakta pakta tiyanchu. Llankaymanta warmika, karipak ashatallami kullkita hapin”, Grupo de Mujeres de ParlAmericas tantarita pushak, Gina Godoy shina rimarka.
Ecuador mushuk riksina
“Kay Ecuador llakta, warmikuna llaktaypi kashka hawa achkata ushashkami kan, kari warmi ishkantin ranti ranti llankana kashkamantami shina rikurin. Shuktak Mamallaktakunaka kaytaka mushuktami rikun, hayñikunata pushaytami rikuchin, kamachiykunaka hayñikunatami sumaychachin. Kay chip cultural ruraytami mushukyachina kan, kamachiy tiyarinapilla ama huntachun rikunkami”, shinami Gina Godoy rimarka.
Kay Grupo de Mujeres Parlamentarias de ParlAmericas pushak, mushuk kamachiykuna tiyarikpi tukuykuna mushukyanka yuyarka, mana shinachu, runakunapak yuyayta, kawsaytami mushukyachina kan. “Kay chip mana mushukyarikpi, warmikunapak llankana kuska manarak tiyanchu”, nirka.
MC/pv/jc-kichwa
