Tawka Tukuylla llaktaypi yupaypi, kullki churaypi mirarirka, chayka wawakunapak hayñimi kanka, chayta Consejo Nacional para la Igualdad Intergeneracional kay llankaywan rikurishka. Kayta Mamallakta Tantanakuy Consejos Nacionales para la Igualdad kamachiyta, sitwa killa, 2014 watapi arinirka. Chayka Día del Niño shutimi karka, kay Consejo tantarita pushak, Carlos Muñoz shina rimarka, alli kaktami riksichirka. Kayami kay hawa llankashkata Mamallakta Tantanakuy riksichinka.
Kay kamachiyka Tantarikuna tukuylla llaktay hawa tukuy llankaykunapi chakatashpa rurashkata riksichichun mañanka. Kaytami Muñoz kamachik kay kamaywasimi wawakuna hawa llankashkata tukuy manyamanta tantachishka, wakin llankaykuna paktashkatami riksichirka. Shina, tiksi yachayka 96,2 % patsakrimi paktashka, ychaypi kullkita churayka 60.1 % patsakrimi, 2008 watamanta, 2015 watakama mirarishka. Rimashpaka, 1.700 hunu manta, 2.800 hunukama wichiyashka. Kaytami Yachay Hatun Kamachiy yanapashka, tukuykunaman chayashka, tiksi hayñi shina paktashka.
Shinallatak, kari wrmi 316.027 wawakuna kay CIBV, Centros de Desarrollo Infantil (CDI) kamaywasikunaman yanaparishka kan nirka. Mamallaktapika 2.290 CIBV wasikuna tiyana, chaymanta 69 ñawpakpi kan. “ Ñawpapika mana tiyakchu karka, alli wasikunata, nipakunata, yachana, mikunata mana charikchu karka”, shinami Muñoz kamachiy killkak rimarka.
Chay 2000 watapi, Ecuador llakta, chay 164 Mamallaktakuna shinallatak, chay Foro Mundial de Educación de Dakar tantaripi, 2015 watakaman tukuyman sukta paktay yuyayman chayanata rimarka, chayka yachayman kullkita churana nirka. Chaymanta, yachay hatun llakikunata charishkata, mana pakta raki tiyashkata rikuchirka, shinallatak yachayman mana hawalla yaykuna, mana alli wasikuna tiyashkata, shukpaklla yachaykuna kakta rikuchirka, yachayta katuy tiyarka. Chay llakikunata rikushpa Ecuador llakta Plan Decenal de Educación 2006-2015 llankayta tiyachirka, kunan rikuchik llakikunata anchuchinkapa rimarka.
LM/pv/jc-kichwa
