Mama, Gabriela Rivadeneira, Mamallakta Tantanakuyta Pushak Implementación y Correcta Aplicación de las Buenas Prácticas de Manufactura BMP hatun yachayta kallarichirka, may sumak rurashka mikunata mirachichunmi kayan, chaymi Ecuador llaktapi mikuk runakunaka alli kawsayta charinka, unkuykunapash mana hapinka.
Mamallakta Tantanakuyta hatun Kamachikk, mikuna hawa shuktak shuktak yuyaykunata churana, alli kamachiyta charinaman pushanka, kapukyachina wasikunata mirachinkapa yanapanka. “Ñukanchik llikaka kullktami mirachirka, wawakullkita mirachinka, alli mikuykunaka alli kawasyta charinaman pushanka, runakuna alli wiñarichun yanapanka”, nishpa rimarka.
Imashinami, chushakyachinata churana shuk harkachunmi yanapan(achikta rikuchin) tawka mikunakuna, imashinami kachi, yurak mishki, wira mikunakuna runakunata unkuchishka, chaymantami mikukkuna mayhan mikunakunalla allikakta riksichun yanapanka.
Mamakamachiypak 32 nikipi allikawsay kamashka kanka riman, Mamallakta kamashka hayñimi kan nishpa riman, Mamallakta Tantanakuy kayta paktachinkapa kamachiykunata arinishpa katinka, kay katikuykunata sumaychashpa kapukyachikkunata mirachishpa katinka.
Kay yachaypika Ximena Ponce, Blanca Arguello, Virgilio Hernández kamachiy killkakkuna karka, Salud Kipahatun kamachik, Verónica Espinosa, chakllisinchik yachana wasikuna: Sonia Zapata, Mauricio Letort yachakkuna shamurka; Coordinadora Campesina Eloy Alfaro tantarimanta, Romelio Gualán pushak; CAPEIPI tantarimanta, Edison Romo pushak; ARCSA pushak, Leonardo da Silva kamachik, SAE, Estuardo Ruiz paktachik pushak, Organización Panamericana de la Salud (OPS) tantarimanta, Fabio Gómez Da Silva (KZ/JS) pushak.
JC-kichwa
