Pakta runakuna uyan, paykunapak yuyaykunata churan. Shinami shuk punchalla kamachiy killkakkuna tukun. Shinami Mamallakta Tantanakuypak llankayka kan, pakta runakuna imashina kamachiywan llankanata yachanka, maypimi Mamallaktapak alli kamachiykuna killkarichun yanapanka.
Kay yachakukkuna Melani Gómez 20 watata charin, payka Universidad de Los Hemisferios hatun yachana wasipi yachakun. Manarak Mamallakta Tantanakuyman shamushpaka karurikuchikmantallami rikuk karka, willayta, kamachiy killkay ukupi llaki tiyakta rikuk karka.
Kunanka Desarrollo Económico tantaripi karka, chaypimi Tránsito, Transporte Terrestre y Seguridad Vial Hatun Kamachiyta allichinkapa rimarka. “Mamallakta imashina kimirishka llaktaypi kawsana may allimi kan. Imashina llaki hawa rimayta uyana, imashina allichinata uyashpa yuyaykunata mushukyachin, Mamallakta mushuk ñawita rikuchin”, Melani shina rimarka.
Rimanakuy pakma
Kay Carlos Monge yachakuk Instituto Rumiñahui yacha wasipi yachakun, payka 21 watata charin, llaktayka shuktak mashikunata yanapana kakta riksin. “Llaktayta allita rurashka, maypimi tukuykunapak rimayta uyana kan, tukuypak alli kachun rimaykunaka sumakmi kan, Mamallaktapi kunan rimayka chaymi kana kan, punchanta tiyak llakikuna hawa rimaymi alli kan”, nishpa willan. Shuk yachakukkunapash yanapashpa allita rimarka.
MC/pv/jc-kichwa
