Karu 30 Mamallaktakunamanta 100 kamachiy killkakkunami kaypi kan, paykunaka wacha punchakama kaypi kanka, kay Pusakniki Encuentro Parlamentario de las Américas, kay Ecuador Mamallakta Tantanakuypi pusharikun, kariwarmi paktarakita charina hawa rimakun, Diversificando el poder político para construir sociedades inclusivas tantari hawa rimakun.
“Kay tantarikunaman Mamallakta rimakkuna sinchiyarin”, shinami Gabriela Rivadeneira, Ecuador llaktapak Mamallakta Tantanakuyta pushak, payllatak Parlamento Latinoamericano y Caribeño (Parlatino) rimayta kallarirka, Pushakniki Encuentro ParlAmericas tantarimi kan, kay Quito llaktapi pusharikun. Chay Brasil llakta, Venezuela llaktapak llakta ushayta ukllana hawa riman. “Mamallakta Tantanakuykunami llakta ushayta ukllanata ushanchik, suyupi kikinpak llakta ushayta allimanta waktakukpi mancharichik nirka, imashinami Venezuela, Brasil llaktakunapi kakun shinallatak kanka”, nirka.
Ecuador llaktami Bolivia, Cuba llaktakunamanta Mamallakta Tantanakuypi suyupi achka warmikunata charishpa kimsanikipi kan. Kay 42% patsakrimi yaparin, shuk Mamallakta Tantanakuyllami suyupi kan. “Shuk kuskapilla Parlatino, Parlamericas ishkay tantari shayarin, chaypimi Mamallaktapura imashina llankashkata yachanakunka”, Gabriela Rivadeneira rimarka.
Paktapakta hayñikuna
México llaktamanta, Marcela Guerra kamachiy allichik, paymi ParlAmericas pushak kan, kunanmi warmikunapak kawsayta allichina kan nirka, ONU Mujeres tantaripak pushak, Nidia Pesantez shinallatak rimarka, kari warmiwan mana pakta pakta tiyakpika kayshina rimanakuy mana sakirinkachu. “Allpapachapi 50% warmikunami kanchik, ushaypi kana hayñitami charinchik”, nirka. Llankaykuna mana washaman sakinachu nirka.
Ama yalli tsini
Tukuy shamukkunami América, Caribe llaktakunaka kariwarmi tsikninata pampana yuyayta charin, achka paktaykuna tiyakpipash chayrak mana tukurinchu. “Kaytaka llaktaypi mana rimashkachu kan; kari warmi pakta kanata, kari warmi takarikta, kari warmim pakta yupay kanata mana rimashkachu kan. Warmikuna Mamallaktakunata pushakushpami kay hawa rimakun. Warmi hawa mana rimakrinchikchu llakta ushay hawami rikrakrinchik ”, shinami Nidia Pesantez rimarka.
MC/pv/jc-kichwa
