Warmikunapak llankay hayñita kamachun alli llaktayta, mushukyaykunata rurana, kayta hatun tantaripi atinakuyta charirka, chayman 30 Mamallaktakunata kunan chishi kayarka, kay hatun tantarika Ecuador llaktapak Mamallakta Tantanakuypak wasipimi pusharirka. Kay rimanakuywan mana karikunapak yalli kana yuyaychu kan, kari warmi ishkantin pakpakta hayñita, kamashka kana, chay hayñitallatak charinami kan.
Kay Ariana Webter-Roy, Trinidad y Tobago kamachiy killkak; Itzel Sarahí Ríos, Argentina llaktamanta kamachiy killkak; Amín Niffouri de Uruguay llaktamanta, Margarita Stolbizer, Máxico llaktamanta kamachiy rikuk, kay tantaripi rikuchirka, warmikunaman llankana kuska rikurishkata rimarka, ashtawankarin llaktaypi kachun nirka. “Warmikunapak hayñi paktana charakmi risin, (OIT) tantari, 1995 watamanta, 2015 watakama shinami rikuchin, allpapachapi rikukpipash shinallatak llakimi rikurin”, shinami Uruguay llaktamanta, Amín Niffouri riksichirka.
Llanakan chayrak sirin
Pay Margarita Stolbizer kamachik, kamaywasikuna karikunamanlla llankayta kukukta rikushpaka kamachiy killkakkuna rikunata charin, paykunami kay llakita anchuchinata charin. “Maypimi llankarkanchik, chaypillatakmi kunanpash kanchik. Chayrak tawka kuskakunapi tsikni, manyayachi tiyanrakmi, llaktaypipash shinallatakmi kan. Warmikunapak tantari chaypi kanami mutsurin, paykunami kawsayta, Mamallakta yanapachun mashkana kan”, shinami Stolbizer rimarka.
Tukuy kamachiy killkakkuna chay yuyaytallatak charirka, chayka: kamachiykunata mirachina, alli kamachiy paktachun rikuna karka, shina ama hayñita pakichun nirka. Kay kamachikykunata achka warmikunaman allita riksichina nirka.
MC/pv/jc-kichwa
