Mamallakta Tantanakuypak Caravana Intercultural llankayman kimirshka takikkuna awaki, 6 puncha, raymi killapi Manabí llaktapi takikunawan purinkuna, 16 puncha, ayriwa killa, 2016 watapi allpa chukchuywan wasikikuna, ñankuna tuñirishka kuskakunamanmi yallita chayakun.
Takishpa yanapana llankayka, mama Gabriela Rivadeneira Mamallakta Tantanakuypak yuyaymantami llukshirka, chay Participación Ciudadana llankayta pushakunami pushakun, kay kushiyayta mirachikun.
Kay punchakama Calceta, Bahía de Caráquez, Jaramijó, Manta, Portoviejo, San Vicente, San Isidro, Canoa, Tosagua, Rocafuerte llaktakunaman chayashka, paykunaka alli yuyaykunata, kushiyayta, pukllayta, ñawpakman rina yuyaykunata apashpa puñuna wasikuman chayashka, llakirsihka ayllukunata kushiyachin.
Runakuna chay llakirishka ayllukunata yanapashun yuyayta kun, shinami Jorge Luis Narváez rimarka, payka Coordinación de Participación Ciudadana tantaripi llankakmi kan, kay kushiyachikkunaka tushun, takin, arawita, ukun kuyurita rikuchin, shuyu kuyurikta rikuchin, Ecuador llaktamanta “Sara la espantapájaros” s
Pukllay kushiyachiwan, arawikunawan kamachiy imashina paktashka riksichin, ashtawankarin Solidaridad y Corresponsabilidad Ciudadana por los Afectados del Terremoto kamachiyta rikisichin, yapa Derechos de la Naturaleza kamachiyta, Comunicación kamachiyta, Discapacidades kamachiyta riksichin.
Chay Manabí markata purishpa, kay tantarishka takikkunaka Esmeraldas markaman chayanka, chaypi allpa chuykuywan llakirishka ayllukunaman kushiyarikunata, takikunata, pukllaykunata rikuchinka, shina runakuna, wawakuna, tisikukuna kimirinka.
MG/jc-kichwa
