Kamachiy killkak Pamela Falconí, payka Biodiversidad minkashkapi shutita charikmi kan, Mamallakta Tantanakuypi Código del Ambiete kamachiyta rimakushka, shuk wankuriymi kitipi kawsak wiwakunata riman, kay Código de Ordenamiento Territorial kamachiywan kimirikmi kan, chayta kikinllatak karupi kamachikkunami rikunka.
Mana allkuta, misita kamanachu kan, wiwakunaman alli kawsayta kunami kan; kay Biodiversidad minkashka, tawka kimirishka kamachikkunawan, tantarikunawan rimashka kan, imashinami Colegio de Veterinarios yachakkunawan, yachana wasikunawan, wiwata kamakkunwan rimarkanchik, nirka.
Kamachiy killkak Pamela Falconí, payka runakuna pachamamata kamana, wiwakunamanta llankana yuyayka may allimi kan nirka, imashinami, Babahoyo llaktamanta wiwakunata kamashpa llankan, paykunaka yachayta charin, wiwakunata yanapan, yachachin, shitashka wiwakunaman karan nirka.
Kitikunapak llakika kay llankayta hatunyachinkapa kullkita mana charin, llaktakunapash kay llaki mana charinchu yanpanatami charin, kitipi kawsak runakuna shuk wiwata hapishpa paypak wasiman pushan, ayllu shinata charin, mikunata kamashpa, hampita kushpa kullkita churan.
JLVN/pv/jc-kichwa
