Kay Ecuador llakta purik runakunata rikunkapa shuk kamachiyta charinkapa rimanakushpa kunan katin, kay llankayta Grupo Parlamentario por los Derechos de las Personas en Movilidad Humana kamachikkuna pushan. Sarun puncha kallarita rurarka, shamuk chaska puncha kimsakutin rurarinka. Kunanpika Pablo Medina, payka Universidad Católica del Ecuador yachaywasipi yachachikmi kan, paymi shuk yachachik karka, Ecuador llaktapi purik runamanta rimarka.
Sarun tantarishka kamachiy killkakta pushak, Álex Guamán, kay rimanakuykunapi Movilidad Humana kamachiyta killkankapa yuyaykunata hapinami kan, chaymantami hatun yachakkunata pushamunchik. “Purik runakunata kishpiyrishka purichun yanapana”, yachayman manarak chayamukpimi shina rimarka.
Kay mushuk kamachiyta rikushpa, kay tantarika pakakukushka, shitashka, Mamallaktata mana charikkuna tantarishkami kan, shinami Pablo Medina tukuykunaman riksichirka “Ecuador llaktaka Materia de Apatridia hawa sinchita llankakun”. Shina purishpa kawsak runakunaka mayhan Mamallaktamantapash mana riksishkachu kan, shinami paypak kamachiy willashka kan.
Kay ista hayñi hawa hatun yachak, kay runakuna yachayman, hampirinaman, llankayman yaykunata mana ushan, punchanta wichkana wasiman pushanata charin, mana alli rikushka, chinkachishka.
Kay llakita anchuchinka allpapachapi ñami wakin llankaykunata rurashkanchik, Mamallaktata mana charik runa ama kachun, paykuna kikinkayta charichun, purishpalla kawsak runakunata ukllanka rikukushka kan.
Ñukanchikpak Mamallaktaka NN.UU tantatikuman chayashka hawa rimashpaka, kay tantarikunapika Mamallaktata mana charik runakuna hawami rikashkanchik nirka, chaymi Gestión de la Identidad y Datos Civiles kamachiyta rimashkanchik, kay kamachiyki wacharishka wawapak shutita killkachina nirka, shutita mana killkachishkamanta wanachishka kanka, kinkinpankata charinata, kikin llaktata charinata rimarka.
Kay Movilidad Humana kamachiy hawa achkata rimarka, kay runakunata riksin nirka, paypi kawsanata rikuchin nirka, imashina kawsakta, paykunata kamana hawa rimarka, unipak kay kamak pankakunata charichun yaykuchin llakita anchuchin nirka.
LM/pv/jc-kichwa
