Mamallakta Tantanakuypi kak 111 kamachiy killkakkuna, kay Convenio de Servicios Aéreos Ecuador llaktawan, Italia llaktawan yuyarita arinirka. Kay istahillayka mana maypi samarishpalla pawanatami yanapanka, mintalaytapash mana rurankachu.
Kamachiy killkak, Ecuador llaktamanta antanka pawayka Quito, Guayaquil llaktamanta llukshinka, shinallatak Italia llaktapika Roma, Milán llaktakunamanta kanka. Shinapash ishkantin Mamallaktakunami maymanta pawana kuskata charin, paykunami rikunata ushan. Antanka pawachunka ishkantin llaktapak Mamallakta Tantankuykuna arininakuna kan. Chay Italia llaktapika Mamallakta Tantanakuypak makipimi arinina pankaka sirikun.
Kay ista yuyarika pawashkamanta mashna kullkita kunatapash riman, sapan antankami kayta rikunata charin, katuyta rikushapami churanka. Ishakantin Mamallaktakunapak kamachiyta rikushpami kaytaka paktachinka. “Pawak runakunata yanapanaraykumi ishkantin Mamallakta rikunka”, shinami Gastón Gagliardo kamachiy mkillkak rimarka.
Chay Europa llaktaman yallita katuyka palanta, chalwa, sisa, yakupi tiyakkuna kan. Kay 2014 watamanta, y 2015 watakama patas, lluchuncha, puka sisakuna kan. Kay 2013 watapi Italia llaktamanta 60 hunumi katuymanta kay llaktaman yaykurirka, ashtawankarin zirma, waksi, yaku, tarpuypi, wiwa hapi, chayway, chuki, antawapi purinapi, kulkay, willaypi yaykurirka.
Purik runakuna hawa, Aguirre kamachiy killkak, Ministerio de Relaciones Internacionales, kunan punchakama, Ecuador llaktamanta 93 waranka runakuna Italia llaktapi kawsa, paykunaka chikan chikan kitikunapimi kawsan nirka, chayka Milán, Génova y Roma llaktapimi kawsan. Kay tukurim 5 watapi, 5% patsakri runakuna mirarishka. “ Kay yuyarika kay llaktamanta, chay llaktaman mana samarishpa rishpa llaktapura runakunata yanapanka”, nishpa kutinkutin rimarka.
LM/pv/jc-kichwa
