Kay inti puncha Mamallakta Tantanakuyta pushak Gabriela Rivadeneira Muyu Kamachiypi kachun kayarka, chayman tantarikunata, sapsikunata, ayllullaktakunata, llaktakuna, runallaktakunata, yanallaktakuna, yunkallaktakunata, paykuna sapsi hayñita charin nishpa kayarka. Paykunami Agrobiodiversidad, Semillas y Fomento Agroecológico kamachiyta manarak arinishpa tapuypi kachun kayarka.
Kay tapuypi kankapa Mamallakta Tantanakuy wasipi shutikunata killkachinka, chayka Quito llakta, 6 de Diciembre ñanwan, Piedrahíta ñanwan kimirishka kuskapimi sakirin .
Shinallatak sapan markapak Consejo Nacional Electoral wasipi shutikunata, killkachinata ushanmi, llankayta pushanka 20 punchata charin, shutita hapinaka 29 puncha, raymi killa, shinallatak 18 puncha, sitwa killa, 2016 watapi kanka.
Shutita killkachikkunapak kikin pankatami chayachina, chay pankakunaka imashinami yuyarishka, arinishkakuna, tantaripi pankakunata apanata charin. Ñawpamanta kawsamuk llaktakuna kikin hayñita charishkamanta, paypak shutikunata kipurishka sakirinka.
Kay Corte Constitucional, churashka Instructivo para la Aplicación de la Consulta Prelegislativa kayayka N° 001-10-SIN-CC yupaywan kamachiyta pakchin.
Kay Consejo de Administración Legislativa, chay Comisión de Soberanía Alimentaria minkashka churashkata kimsa hatun yuyaykunata arinirkakuna, kay yuyaykunaka rimanakuywan, ñawpa yachaykunawan kimirishkami karka; agrobiodiversidad y semillas; runakuna chaypi kana yuyaykunata tantarikunaman, sapsikunaman, ayllullaktakunaman, llaktakunaman, runallaktakunaman, yanallaktakunaman, yunkallaktakunaman tapuyta churanka.
PV/jc-kcihwa
