Chay Guayaquil llaktapi kak runakuna, kamachikkuna Cultura kamachiyta riksichina puncha mirarichun mañarkakuna, paykuna paykunapak yuyayta churasha munan. Chayta Guayaquil llaktamanta, Caler Rodríguez, payka Asociación de Cineastas kan.
Chaypi kak runakunaka kunanmi Cultura kamachiyta charikrin nirka, kay kamachiy tiyachun tawka watakunata shuyashkanchik, shuktak yuyaykunapash rikurirka, kay rimayka chikanchikan tantarikunapak, kamaywasikunapak, takikkunapak, sapsikunapak yuyaymi kan.
Tayta Jhonny Machado, Federación Nacional de Payasos kipapushak, kay Cultura kamachiypak shuti mirarichun nirka, Artes shutita mirachichun mañarka. Kay yuyayman Gloria Paz warmipash kimirirka. Rimanakunkapa punchakunata mirachichun, Machado tawka nikikunapi artes vivas shutita killkachun nirka.
Paymanta, Héctor Garzón, Asociación de Actores de Guayas pushak, takik, tushuk tisiku runakuna, shuktak unkuyta charik runakunapash kay kamachiywan rikurichun mañarka, kay Ecuador llaktapi mashka kapchikuna tiyashkata kipuchun mañarka. Mashna watata llankakta riksishpa, kay kamachiy paykunapak hayñita kamanka. Mamallaktapak kamaywasikuna kapchi llankaykunata riksichun mañarka. “ Tukuy kapchikkuna Kawsaykamay Wasiman mana washanyarishpalla yaykurichun”, nirka.
JC-kichwa
