Kay 15 kamachiy killkakkuna rimashka kipa, Mamallakta Tantanakuy kipapushak, Rosana Alvarado, sector público kamachiy atinakuyta wichkarka. Rimaykunaka, chullan chullan kawsay, tukuylla llankakkunata tsikni hawa rimarka; Mamakamachiy mushukyashkata llankaypi paktachina hawa rimarka; tukuylla llankaypi shuklla sami pushayta wiñachina; llankakkuna tantarichun, kaparichun kamana.
Kamachiy killkak Fausto Cayambe, tukuylla llankaypi shuklla sami pushaytami Mamakamachiypi rikuchin nirka. “Tukuylla mitachi wiñaykawsaypimi kanchaik” nirka, kay 624 tukuylla llankakkuna, 113 waranka, 172 makiwan llankakkuna kan, paykuna tantarina, kaparina hayñita charirkakuna.
Kay kallari willaypimi 624 tukuylla llankakpak hayñikunata churashka, paykuna kishpiyrishka tantarina hayñita charin nirka.
Kay Liuba Cuesta kamachiy tukuylla llankakkuna, mitachikuna chullan chullan tiyayta anchuchinaka Mamallaktapak allimi kan nirka. “Llankay chullan chulaln tiyayka mana chaskipak, yuyaypi mana yaykuchipakmi kan”, shinami nirka, tukuylla llankaypika paktapaktami kana, shina mitachikuna, llankakkunapash paktapakta kana, shina paykunapak hayñita paktachinka.
Kamachiy killkak Herman Moya kay mushuk kamachiyta Mamallaktapi alli kamachiy tiyachun, tukuylla llankakkunapak hayñita kamachun may mutsurikkmi kan nirka. Mamakamachiy mushukyashka kipa tukulla llankakpak hayñita kamak kamachiy manarak tiyanchu, chaymanta mushukyachichun mañan.
Kunanka tukuylla llankakpa, shukpaklla llankakpak hayñikunatami achkata kaman, chayka runakunapak tiksi hayñitami kamarin, chaymanta mushukyaykunaka Mamallaktapi llankakkunapak, runakunapak paktakaytami mashkan nirka.
RSA/pv-jc-kichwa
